علامہ اقبال لاء کالج آزادی چوک سرگودھا میں بیادِ اقبال مشاعرہ کا انعقاد

سرگودھا: علامہ اقبال لاء کالج آزادی چوک سرگودھا کی ادبی سوسائٹی کے زیرِ اہتمام بیادِ اقبال مشاعرہ کا انعقاد کیا گیا۔

مشاعرے کی  صدارت  لاہور سے تشریف لائے ہوئے معروف نظم گو شاعر جناب اقتدار جاوید نے کی جبکہ معروف شاعر و ادیب ڈاکٹر عمران ازفر مہمانِ اعزاز تھے۔

دیگر شعراء میں جناب اقبال ندیم اور معروف براڈ کاسٹر و شاعرہ منزہ انور گوئیندی، ارشد محمود ارشد، علیم ملک، اسیر ہاتف، ابرار حسین، انیس الرحمن اور عبدللہ علی ہاشمی شامل تھے۔

 اس موقع پر دی علامہ اقبال لاء کالج آزادی چوک کی ادبی سوسائٹی کے سُپر وائزر جناب افضال احمد اور طلبہ و طالبات کی کثیر تعداد نے بھی مشاعرہ گاہ کو پُررونق بنائے رکھا۔

بعد ازاں  مشاعرہ کالج انتظامیہ کی طرف سے شعراء کو پُرتکلف ظہرانہ بھی دیا گیا اور سینئر شعراء کو تحائف سے بھی نوازا گیا۔