حزب اللہ کا اسرائیل سے سنئیر کمانڈر کی شہادت کا بدلہ لینے کا اعلان 

بیروت: لبنان کی مزاحمتی تنظیم حزب اللہ نے اسرائیل سے سینیئر کمانڈر طبطبائی کی شہادت کا بدلہ لینے کا اعلان کر دیا۔

قطری نشریاتی ادارےالجزیرہ  کے مطابق حزب اللہ کے سربراہ نعیم قاسم  نے ٹیلی ویژن پر نشر کی گئی تقریر میں کہا کہ سینیئر کمانڈر طبطبائی کے قتل کا بدلہ لینے کیلئے اسرائیل پر حملے کے وقت کا تعین کریں گے۔

انہوں نے کہا کہ حزب اللہ کو اسرائیلی حملے میں اپنے سینیئر کمانڈر کی شہادت کا جواب دینے کا حق حاصل ہے،ان کامزید کہنا تھا کہ  حزب اللہ کمانڈر پر اسرائیلی حملہ جارحیت تھی، لبنانی حکومت کو اسرائیل کا مقابلہ کرنے کا منصوبہ تیار کرنا چاہیے۔

واضح  رہے کہ گزشتہ دنوں اسرائیلی فوج نے لبنان کے دارالحکومت بیروت میں فضائی حملے میں حزب اللہ کے چیف آف اسٹاف علی طبطبائی کو شہید کر دیا تھا۔