پنجاب کی ثقافت اور بسنت کی خوشیوں کا جشن :گلوکار سونو ڈینجرس سونگ ’’آئی بسنت ‘‘کا ٹیزر جاری کردیا

ویب ڈیسک:پنجاب کی شاندار ثقافت اور بسنت کی خوشیوں کی واپسی کا جشن منانے میں  سنگر، ڈانسر اور  کوریوگرافر سونو ڈینجرس بھی شامل ہوگئے۔

اس حوالے سے انہوں نے  اپنے نئے سونگ ’’آئی بسنت‘‘ کا ٹیزر جاری کردیا۔

سونگ  میں پنجاب کی ثقافت کے سارے رنگ اور بسنت کو پھر پور طریقے سے مناتے دیکھایا گیا ہے،آئی بسنت ایک ایسا گیت ہے  جو جشن، روایت، تال، خوشی اور رنگوں سے بھرپور ہے۔

اس گیت میں وزیرِاعلیٰ پنجاب مریم نواز کا شکریہ ادا کیا گیا ہے جنہوں نے حفاظتی انتظامات کے ساتھ لاہور کے عوام کو ایک بار پھر بسنت منانے کی اجازت دی، اور یوں لاہور کی رونقیں اور پنجابی ثقافتی میلہ دوبارہ بحال ہوا۔

آئی بسنت کے گلوکار،شاعر اور کوریوگرافر سونو ڈینجرس ہیں۔ میوزک علی مصطفیٰ اور ڈائریکٹر آصف مسعود ہیں۔ گیت میں مروی خان، الویٰنا شاہ اور  فلم اسٹار حیدر سلطان راہی بھی ہیں۔