سپر ایٹ مرحلہ: پاکستان کا نیوزی لینڈ کے خلاف ٹاس جیت کر بیٹنگ کا فیصلہ

کولمبو: آئی سی سی ٹی ٹوئنٹی ورلڈ کپ کےسپر ایٹ مرحلے میں پاکستان نے نیوزی لینڈ کےخلاف ٹاس جیت کر پہلے بلے بازی کرنے کا فیصلہ کیا ہے۔

تفصیلات کے مطابق کولمبو میں کھیلے جارہے میچ میں پاکستان کے کپتان سلمان علی آغا نےٹاس جیت کر بیٹنگ کرنے کو ترجیح دی ہے۔

نیوزی لینڈ کےخلاف میچ کیلئے خواجہ نافع کی جگہ فخر زمان کو پلیئنگ الیون میں شامل کیا گیا ہے۔

پاکستان کی پلیئنگ الیون میں صاحبزادہ فرحان، صائم ایوب، سلمان علی آغا (کپتان)، بابر اعظم، فخر زمان، شاداب خان، عثمان خان (وکٹ کیپر)، محمد نواز، فہیم اشرف، سلمان مرزا اور عثمان طارق شامل ہیں۔

خیال رہے کہ آج کے میچ میں بارش کا بھی امکان ہےاگر بارش نے مداخلت نہ کی تو میچ طے شدہ طریقہ کے مطابق ساڑھے چھ بجے شروع ہو جائے گا۔ یہ ٹی ٹوینٹی ورلڈ کپ کے سپر ایٹ راؤنڈ کا پہلا میچ ہے۔