لاہور سمیت ملک کے مختلف شہروں میں بارش اور ژالہ باری سے موسم خوشگوار

لاہور: صوبائی دارالحکومت لاہور سمیت ملک کے مختلف شہروں میں بارش اور ژالہ باری سے موسم خوشگوار ہو گیا،بارش کے بعد ٹھنڈی ہوائیں چلنے سے درجہ حرارت میں کمی آگئی۔

محکمہ موسمیات کے مطابق شملہ پہاڑی اور اطراف میں بارش اور ژالہ باری ہوئی،محکمہ موسمیات نے بتایا کہ نشتر ٹاؤن میں 35 ملی میٹر، جوہر ٹاؤن میں 29.4 ملی میٹر ، جیل روڈ پر 5، گلبرگ میں 11.4، پانی والا تالاب میں 2.4 ملی میٹر بارش ریکارڈ ہوئی۔

اِسی طرح فرخ آباد میں 0.2 ،گلشن راوی میں 2.4 ، اقبال ٹاؤن میں 3 ملی میٹر ،سمن آباد میں 4، سگیاں کے علاقے میں 1.4 ملی میٹر بارش ریکارڈ ہوئی۔

جبکہ پنجاب کے دیگر شہروں میں بھی بادل جم کر برسیں ، جس سے شہروں کی سڑکیں اور گلیاں پانی سے بھر گئیں ۔