پٹرولیم مصنوعات کی قیمتوں میں اضافے سے جہاں مہنگائی بڑھے گی وہیں ڈرامہ انڈسٹری پر بھی اثر پڑے گا،فنکار برادری

لاہور:پٹرولیم مصنوعات کی قیمتوں میں حالیہ اضافہ اور کمی کے بعد فنکار برادری کے بھی مطالبات سامنے آ گئے۔

تفصیلات کے مطابق فنکار برادری کا کہنا تھا کہ  حکومت ایسی پالیسی اپنائے جس سے غریب اور متوسط طبقے پر بوجھ نہ پڑے۔ سینئر ڈرامہ رائٹر ڈائریکٹر ڈاکٹر اجمل  ملک کا کہنا تھا کہ  پٹرولیم مصنوعات کی قیمتوں میں اضافے سے مہنگائی میں اضاف ہو گا، تاہم وزیراعظم شہباز شریف  نے جو کمی  کی ہے وہ خوش آئند ہے، امید ہے حکومت غریب عوام پر مزید بوجھ نہیں ڈالے گی۔

اداکار قیصر پیا نے کہا کہ لگتا ہے اب گاڑیوں کی بجائے موٹر سائیکلوں سے کام چلانا پڑے گا  کیونکہ اتنا مہنگا پٹرول اب برداشت سے باہر ہے۔

اداکارہ وجہیہ علی ، نازلی نور اور امروزیہ خان نے کہا کہ پٹرولیم مصنوعات کی قیمتوں میں اضافے سے جہاں مہنگائی بڑھے گی وہیں ڈرامہ انڈسٹری پر بھی اثر پڑے گا۔ان کا مزید کہنا تھا کہ ڈرامہ دیکھنے والا اب سوچ سمجھ کر ہی آئے گا۔

میڈیا سے گفتگو میں انہوں نے کہا کہ ہم حکومت سے امید کرتے ہیں کہ وہ اپنی پالیسی ایسی اپنائے گی جس سے عام آدمی  پر بوجھ نہ پڑے،موجودہ دور میں کفایت شعاری سے کام لینا ہو گا۔