لالی وڈ کی نئی فلم سائیکو عیدالاضحیٰ پر ریلیز ہو گی

لاہور:لالی وڈ کی نئی فلم سائیکو عیدالاضحیٰ پر ریلیز ہو گی فلم کے ٹیزر لانچنگ کی تقریب لاہور میں منعقد ہوئی جس میں کاسٹ اور دیگر شوبز شخصیات شریک ہوئیں۔

تفصیلات کے مطابق لاہور میں لالی وڈ کی نئی فلم سائیکو کے ٹیزر لانچنگ تقریب منعقد ہوئی جس میں اداکار شان شاہد، اداکارہ میرا، نیئر اعجاز، صفدر ملک، مسعود بٹ اور دیگر شریک ہوئے۔

میڈیا سے گفتگو کرتے ہوئے اداکار شان شاہد نے کہا کہ فلم کی کہانی سطحی نہیں بلکہ انسانی ذہن اور پیچیدگیوں کے گرد تشکیل دی گئی ہے

جبکہ اس موقع پر اداکارہ میرا نے کہا کہ اس فلم میں میرا کردار منفرد ہے کردار کو ادا کرنے کی بجائے سمجھنے پر توجہ دی۔ 

خیال رہے کہ فلم سائیکو کی نمایاں کاسٹ میں شان شاہد، اداکارہ میرا، سونیا حسین، شبیر جان، نیئر اعجاز اور دیگر شامل ہیں۔