پنجاب حکومت کی جانب سے فلم میکرز کو فنڈز جاری ہونے کے بعد فلمیں بننے کا آغاز ہو گیا

پنجاب حکومت کی جانب سے فلم میکرز کو فنڈز جاری ہونے کے بعد فلمیں بننے کا آغاز ہو گیا۔

تفصیلات کے مطابق وزیراعلیٰ پنجاب مریم نواز کے احکامات کے بعد فلم انڈسٹری کے پروڈیوسرز ، ڈائریکٹرز  ، فلم میکرز میں اعلان کردہ فنڈز تقسیم کر دئیے گئے، سینئر وزیر پنجاب مریم اورنگزیب اور وزیر اطلاعات و ثقافت عظمیٰ بخاری کی کاوشوں سے اب تک  کئی شخصیات میں فنڈز تقسیم کیے گئے جس کے بعد متعدد نے اپنی فلموں پر کام شروع کر دیا۔

اس حوالے سے نامور ہدایتکار سید نور ، سنگیتا، شہزاد رفیق،غلام محی الدین ، التمش بٹ اور دیگر نے اپنی فلموں پر کام کا آغاز کر دیا،، ان کا کہنا تھا  کہ انڈسٹری اب ایک نئے دور میں داخل ہو چکی ،، سنہرا دور واپس لانے کی بھرپور کوشش کریں گے۔

ہدایتکار سید نور ، فلم ڈائریکٹر شہزاد رفیق،  غلام محی الدین، ہدایتکارہ سنگیتا  اور التمش بٹ سمیت کئی فلم میکرز نے اپنی فلموں کا آغاز کیا، ان کا کہنا تھا کہ پیاسی انڈسٹری کو سیراب کرنے کی کوشش کی گئی ،، اب ہم سب کا فرض ہے کہ سنجیدہ ہو کر بحالی کیلئے کام کریں 

فلم میکرز کا مزید کہنا تھا کہ جو فنڈز ملے ہیں اس  کو نیک نیتی سے ان کے اصل مقصد  پر لگائے جائیں ، ملک میں بے پناہ ٹیلنٹ ہے نئے چہروں کو سامنے لایا جانا چاہیے۔

پنجاب حکومت کی جانب سے ملنے والے فنڈز یقیننا انڈسٹری  کی بحالی کی جانب اہم قدم ہے،، لیکن  کیا فلم میکرز انڈسٹری کے ساتھ انصاف کر پائیں گے یا نہیں یہ تو آنیوالا وقت ہی بتائے گا۔