افریقہ میں ایبولا وائرس بے قابو، وبائی شکل اختیار کرگیا،سینکڑوں افراد جاں بحق 

ویب ڈیسک:فریقا میں ایبولا وائرس وبائی شکل اختیار کرگیا، جس کے نتیجے میں کانگو میں مبینہ طور پر 906 افراد ایبولا سے متاثر جبکہ 223 افراد ہلاک ہوچکے ہیں۔

عالمی ادارہ صحت (ڈبلیو ایچ او) کے مطابق ہلاکتوں اور متاثرین کی تصدیق کیلئے تحقیقات جاری ہیں، ابھی تک 17 ہلاکتوں اور 16 طبی کارکنوں سمیت 125 افراد کے متاثرہ ہونے کی تصدیق ہوچکی ہے۔ 

رپورٹس کے مطابق یوگینڈا میں ایبولا وائرس کے 7 کیسز سامنے آئے جن میں سے تین کانگوسے واپس آئے تھے۔ 

دوسری جانب کینیا کی عدالت نے امریکا کو ملک میں ایبولا قرنطینہ سنٹر کے قیام سے روک دیاہے، واشنگٹن کا وائرس سے متاثرہ امریکی شہریوں کو کینیا میں قرنطینہ کرنے کا پلان تھا۔