معاہدوں پرصرف کاغذی دستخط کافی نہیں ، بلکہ ان پر  عملدرآمد بھی ضروری ہے،محمد مخبر

تہران:ایرانی سپریم لیڈر مجتبیٰ خامنہ ای کے مشیر محمد مخبر کا کہنا ہے کہ معاہدوں پردستخط کافی نہیں ، بلکہ ان پر  عملدرآمد بھی ضروری ہے، ورنہ اس کے معاشی اور توانائی کے شعبے پر اثرات مرتب ہو سکتے ہیں۔

غیرملکی میڈیا رپورٹس کے مطابق محمد مخبر کا کہنا ہے کہ امریکی کسی بھی چیز سے بڑھ کر معیشت اور معاشی فائدے کی زبان کو سمجھتے ہیں۔اس لیے خطے میں پائیدار امن اور استحکام کے لیے ضروری ہے کہ معاہدوں کو عملی شکل دی جائے نہ کہ انہیں صرف کاغذ تک محدود رکھا جائے۔

بیان میں مشیر ایرانی سپریم لیڈر کا مزیدکہنا تھا کہ جب تک معاہدہ صرف کاغذوں پر رہے گا، مشرق وسطیٰ میں توانائی کی ترسیل معطل رہے گی۔انہوں نے کہا ہے کہ ایران اب محض بیانات یا تحریری یقین دہانیوں پر اعتماد کرنے کے لیے تیار نہیں ہے بلکہ عملی اقدامات کو ہی بنیادی شرط سمجھتا ہے۔

دوسری جانب ایرانی مذاکراتی وفد پارلیمنٹ کے اسپیکر محمد باقر قالیباف کی قیادت میں سوئٹرز لینڈ پہنچ گیا ہے جہاں آج وہ پاکستانی ثالثی میں امریکہ کے ساتھ امن مذاکرات میں شرکت کرے گا۔