عمران ہاشمی کا نیا گیت "مجبوریاں" ریلیز

 کلچرل رپورٹر سے

لاہور: معروف گلوکار عمران ہاشمی کا نیا گیت "مجبوریاں" ریلیز کر دیا گیا ہے، جسے بیرونِ ملک مقیم پاکستانیوں کے جذبات، محبت، جدائی اور احساسات کی مؤثر ترجمانی قرار دیا جا رہا ہے۔

اس گیت میں عمران ہاشمی نے نہ صرف اپنی پُرسوز آواز کا جادو جگایا ہے بلکہ اس کے بول، دھن اور کمپوزیشن بھی خود تخلیق کی ہے، جس سے ان کی فنی صلاحیتوں کا ایک اور منفرد پہلو سامنے آیا ہے۔

رومانوی اور جذباتی رنگ لیے "مجبوریاں" میں اوورسیز پاکستانیوں کی اپنے وطن اور اپنوں سے دوری کے احساسات کو دلنشیں انداز میں پیش کیا گیا ہے۔ گانے کی شاعری، موسیقی اور عمران ہاشمی کی دل سوز آواز کو مداحوں کی جانب سے بھرپور پذیرائی مل رہی ہے۔

موسیقی سے وابستہ حلقوں کا کہنا ہے کہ "مجبوریاں" عمران ہاشمی کے ان یادگار گیتوں میں شامل ہو گیا ہے جو بطور گلوکار، نغمہ نگار اور موسیقار ان کی شناخت کو مزید مستحکم کریں گے۔

یہ گیت مختلف میوزک اسٹریمنگ پلیٹ فارمز پر بھی ریلیز کر دیا گیا ہے، جہاں اسے شائقین کی جانب سے مثبت ردعمل موصول ہو رہا ہے۔