بالی وڈ کےلیجنڈ اداکار کے اداکار بیٹے کا اچانک انتقال

ویب ڈیسک: ماضی کے معروف بھارتی اداکار دیو آنند کے صاحبزادے، فلم ساز اور اداکار سنیل آنند برطانیہ میں انتقال کر گئے۔ وہ 70 برس کے تھے۔

خاندانی ذرائع کے مطابق سنیل آنند امریکہ سے بھارت واپس آ رہے تھے کہ لندن میں انہیں دل کا دورہ پڑا۔ انہیں فوری طور پر ہسپتال منتقل کیا گیا، تاہم علاج کے دوران دوسرا ہارٹ اٹیک جان لیوا ثابت ہوا۔

سنیل آنند نے 1984 میں فلم "آنند اور آنند" سے فلمی سفر کا آغاز کیا تھا اور بعد ازاں متعدد فلموں میں اداکاری کے علاوہ اپنے والد کے فلمی ادارے نوکیتن فلمز کی دیکھ بھال میں بھی اہم کردار ادا کیا۔

ان کے انتقال کے بعد بھارتی فلمی صنعت میں سوگ کی فضا ہے، جبکہ شوبز شخصیات اور مداح سوشل میڈیا پر انہیں خراجِ عقیدت پیش کر رہے ہیں۔