چین سے کورونا ویکسین کی ایک اور کھیپ اسلام آباد پہنچ گئی

تفصیلات کے مطابق  چین سے کورونا ویکسین کی ایک اور کھیپ اسلام آباد منتقل کردی گئی،پی آئی اے کی پرواز 6 لاکھ 80 ہزار ڈوز لیکر اسلام آباد پہنچ گئی ہے۔چین سے لائی گئی ویکسین فیڈرل ای پی آئی کے مرکزی ویئر ہاؤس منتقل کردی گئی۔

پاکستان نے 20 لاکھ سائینوفام ڈوز کی چینی کمپنی سے خریداری کی تھی،گزشتہ روز چین سے 13 لاکھ 20 سائینوفام ڈوز اسلام آباد لائی گئی تھیں،سائینوفام ویکسین صوبوں کو حسب ضرورت فراہم کی جائے گی۔

خیا ل رہےکہ گزشتہ روز بھی چین سے سائنوفام خوراکیں اسلام آباد لائی گئی تھیں،پاکستان نے سائنوفام ویکسین کی چینی کمپنی سے خریداری کی ہے۔