سندھ بھرمیں تعلیمی ادارے دس محرم تک بند رکھنےکافیصلہ

تفصیلات کے مطابق سندھ حکومت نے   تعلیمی ادارے دس محرم تک بند رکھنےکافیصلہ کیا ہے، وزیر تعلیم سردار شاہ اور وزیر یونیورسٹی بورڈ اسماعیل راہو کا اجلاس میں مشترکہ فیصلہ،بورڈ سے رہ جانے والے امتحانات منگل سے چھ محرم الحرام تک لئے جائیں گے ۔

وزیر تعلیم سندھ  سردار شاہ نے کہا ہے کہ  آج ہم نے فیصلہ کیا کہ جو امتحانات رکے ہوئے ہیں ان کو 10 اگست سے آغاز کرنے کا فیصلہ کیا ہے، اسکول ، کالجز اور جامعات کا آئندہ کلینڈر بیٹھ کر بنائیں گے ۔

انہوں نے کہا کہ  19 اگست تک اسکولوں کو بند رکھیں گے ، 7 محرم سے جلوس کی وجہ سے راستے بند ہوجاتے ہیں، محرم میں کورونا سے بچاؤ کے لیے خیال رکھنا ہوگا۔چیلنجز بہت سارے ہیں ،نظام بگڑا ہوا ہے لیکن ایک روڈ میپ بنایا ہے۔بھرتیوں کا سلسلہ جتنا جلد ہوسکے گا کریں گے۔کریکولم کو تبدیل کریں گے ، اچھے اساتذہ بھرتی کریں گے ، انفراسٹرکچر بدلیں گے۔

سندھ میں تعلیمی ادارے بند رکھنے کا نوٹیفکیشن جاری کردیا گیا ہے۔نوٹیفکیشن کے مطابق تمام نجی وسرکاری اسکولز 19اگست تک بند رہیں گے، سندھ کےتمام کالجز میں بھی تدریسی عمل 19اگست تک معطل رہےگا۔