خود کو کنوارہ ظاہر کر کے دوسری شادی کرنا شہری کو مہنگا پڑ گیا

تفصیلات کے مطابق خود کو کنوارہ  ظاہر کر کے دوسری شادی کرنا مہنگا پڑ گیا ،دوسری بیوی  نے دھوکہ دہی سے دوسری شادی کرنے پر شوہر کو جیل بھجوا دیا۔ ملزم کی دوسری بیوی اپنی ماں کے ساتھ انصاف کے لیے ضلع کچہری میں پیش ہوئی ۔ جوڈیشل مجسٹریٹ جویریہ منیر بھٹی نے کیس پر سماعت کی،  مقدمے میں  بیوی  عارفہ ناز نے موقف اختیار کیا کہ میرے شوہر نے خود کو کنوارہ ظاہر کر کے مجھ سے شادی کی  ، اسے بعد میں پتا چلا کہ ملزم کی پہلی بیوی بھی ہے اورچاربچے بھی ہیں۔ بیوی کا کہنا ہے کہ شوہر نےحقیقت چھپا کہ میرے ساتھ دھوکہ کیا ۔

  ضلع کچہری عدالت لاہور نے خود کو کنوارہ ظاہر کر کے دوسری شادی کرنے والے ملزم رحمت علی  کو جوڈیشل ریمانڈ پر جیل بھیج  دیا۔ملزم کے خلاف دھوکہ دہی سے دوسری شادی کرنے کا مقدمہ تھانہ شاہدرہ میں درج ہے۔ تھانہ شاہدرہ پولیس نے ملزم کے خلاف ریکارڈ عدالت پیش کیا۔ملزم نے درخواست ضمانت بعداز گرفتاری  دائر کر رکھی  ہے۔