کربلا کے مئیر اہم فرائض نبھاتےہوئے نامعلوم افراد کی فائرنگ سے جاں بحق

عرب میڈیا کے مطابق نامعلوم  مسلح افراد نے الزھرا کالونی میں مئیر کربلا سلیم الخفاجی پر فائرنگ کردی ، عینی شاہدین کے مطابق انہیں تین گولیاں لگیں ۔ انہیں شدید تشویشناک حالت میں الحسین ہسپتال منتقل کیا گیا مگر وہ زخموں کی تاب نہ لاتے ہوئے جان کی بازی ہار گئے ۔

عراقی میڈیا کے مطابق  الخفاجی ، المعلجی کے مقام پر تجاوزات ہٹانے کے لیے آپریشن کی نگرانی کررہے تھے کہ ان کے سینے میں تین گولیاں داغ کر انہیں موت کے گھاٹ اتار دیا گیا ۔ واضح رہے کہ اکتوبر 2019 کے بعد عراق میں ٹارگٹ کلنگ کے ستر سے زائد واقعات پیش آچکے ہیں جن میں بڑی تعداد میں سماجی کارکنوں کو موت کے گھاٹ اتارا گیا جبکہ کئی اغواہ بھی ہوئے ہیں ۔