لاہور: رکشہ ڈرائیور اور اسکے ساتھی کی ماں بیٹی سے مبینہ زیادتی، ملزمان گرفتار

جی این این  کے مطابق گزشتہ رات  وہاڑی کی 35 سالہ ارشاد بی بی 15 سالہ بیٹی کے ہمراہ ٹھوکر نیاز بیگ پر مسافر گاڑی سے اتری، خاتون نے اپنی بیٹی کے ہمراہ صدر کینٹ جانے کے لئے رکشہ کروایا۔ رکشہ ڈرائیور ماں بیٹی کو کینٹ کے بجائے ایل ڈی اے ایونیو ون لے گیا۔ رکشہ ڈرائیور اور اس کے ساتھی نے  ماں بیٹی کو تھانہ چوہنگ کی حدود میں مبینہ زیادتی کا نشانہ بنا یا ۔ شور مچانے پر ملزمان رکشہ چھوڑ کر فرار ہو گئے جبکہ پولیس نے مقدمہ درج کرلیا۔ تھانہ چوہنگ پولیس ، جینڈر سیل اور دیگر تحقیقاتی ٹیمیں موقع سے شواہد جمع  کر رہی ہے ۔ آئی جی پنجاب کے مطابق مقدمہ میں ملزمان کے خلاف گینگ ریپ اور دہشت گردی سمیت دیگر سنگین دفعات شامل کی گئیں ہیں۔ سی سی پی او لاہور کے مطابق  رکشہ کو قبضہ میں لے لیا گیا۔ پولیس ذرائع کے مطابق خاتون کو میڈیکل کروانے کے لئے اسپتال لے جایا گیا۔

 پولیس نے واقعہ میں ملوث رکشہ ڈرائیور   عمر   جبکہ اس کے ساتھی   ملز م  منصب کو  بھی سندر سے گرفتار کر لیا ہے۔ پولیس کی جانب سے رکشہ ڈرائیورعمر  کو پہلے ہی گرفتار کر لیا گیا تھا تاہم اب اس کے ساتھی  منصب کی گرفتاری بھی عمل میں لائی جاچکی ہے۔ ذ رائع کے مطابق ملزم  عمر کے خلاف پہلے بھی دو مقدمات درج ہیں ملزم اس سے قبل قید بھی کاٹ چکا ہے۔

قبل ازیں وزیراعلیٰ پنجاب نے واقعے کا نوٹس لیتے ہوئے 48 گھنٹوں میں ملزمان کو گرفتار کرنے کا حکم دیا تھا۔