کیا موڈرنا کی کورونا ویکسین نئے وائرس کیخلاف موثر ہے؟

غیر ملکی خبر ایجنسی  کے مطابق  موڈرنا نے اپنی تیار کردہ کورونا ویکسین  نئے کورونا وائرس کیخلاف موثر ہونے کاامکان ظاہرکردیا ہے۔کمپنی حکام کا کہنا ہے کہ لیب میں کیے جانیوالےتجربے میں ویکسین نے نئے کورونا وائرس کو ختم کرنیوالے اینٹی باڈی بنائے  ہیں۔

موجودہ ویکسینز پہلے سے موجود کورونا وائرس کیلئے تیار کی گئی تھی ، لیکن سائنس دانوں کا خیال ہے کہ انہیں ابھی بھی نئے کورونا وائرس کے خلاف کام کرنا چاہئے ۔

اس مطالعے کے لئے ، محققین نے آٹھ افراد سے لیئے گئے خون کے نمونے دیکھے جن کو موڈرنہ ویکسین کی تیار کردہ دو خوراکیں دی گئیں۔ویکسین سے حاصل مدافعتی نظام  اب بھی نئی وائرس  کے خلاف کام کرتا ہے۔مدافعتی نظام کے ذریعے تیار کردہ اینٹی باڈیوں ، وائرس کوخلیوں میں داخل ہونے سے روکتا ہے۔

واضح رہے کہ نئی اقسام متعدد ممالک میں تیزی سے پھیل رہی ہے۔ پاکستان میں بھی برطانیہ میں سامنے آنے والی کورونا وائرس کی نئی قسم کے کیسز سامنے آئے تھے۔ پاکستان میں کورونا وائرس کی نئی قسم کے کیسز کراچی میں رپورٹ ہوئے تھے جس کی تصدیق محکمہ صحت سندھ کی جانب سے کی گئی تھی۔