چینی کی قیمت 89 روپے 75 پیسے فی کلو مقرر کرنےکا فیصلہ

اسلام آباد: وفاقی شوگر اپیلیٹ کمیٹی نے چینی کی قیمت 89 روپے 75 پیسے فی کلو مقرر کرنے کا فیصلہ کیا ہے ۔ 

شوگر ملز مالکان سے مذاکرات کے بعد وفاقی سیکریٹری فوڈ سکیورٹی نے ایس آر او جاری کردیا ہے ۔ 

شوگر ملز مالکان نے سرکاری قیمت کے خلاف دو وفاقی سیکریٹریوں پر مبنی اپیلیٹ کمیٹی میں اپیل دائر کی تھی ۔ کمیٹی نے تمام شوگر ملز کو 7 اکتوبر کو چار صفحات پر مشتمل اپنے فیصلے کی نقول جاری کردیں ، جس کے مطابق چینی کی قیمت 89 روپے 75 پیسے فی کلو مقرر کرنے کا فیصلہ کیا گیا ہے ۔