پی ایس ایل 7: کامران اکمل نے دستبرداری کا اعلان کردیا

تفصیلات کے مطابق پی ایس ایل 7 کے لیے پشاور زلمی نےکامران اکمل کو سلور کیٹیگری میں پک کیا جس کے بعد کامران اکمل نے پی ایس ایل سے احتجاجاً دستبردار ہونے کا اعلان کردیا۔

The Silver round concludes with the following picks:#HBLPSLDraft l #HBLPSL7 pic.twitter.com/jO8Bm8a3fL

— PakistanSuperLeague (@thePSLt20) December 12, 2021

پاکستان سپر لیگ کے سیزن 7 کی ڈرافٹنگ کی تقریب ہائی پرفارمنس سینٹر لاہور میں منعقد ہوئی جس میں فرنچائز کے آفیشلز اور کھلاڑیوں نے شرکت کی۔

کامران اکمل  نے  اپنے ایک بیان میں کہا ہےکہ شاید اب ٹیم میں میری ضرورت نہیں رہی ،مجھے سلورکیٹیگری میں پک کرنے سے اچھا ہے نوجوانوں کو موقع دیں۔

ان کا کہنا تھا کہ جب میری کیٹیگری پلاٹینم سے گولڈ میں آئی تو مجھے حیرانی ہوئی، پرفارمنس کی بنیاد پر گولڈ کیٹیگری کا مستحق  تھا لیکن مجھے سلور میں منتخب کیاگیا۔

کامران اکمل نے مزید کہا ہےکہ میرا نہیں خیال کہ مجھے پی ایس ایل کا ساتواں ایڈیشن کھیلنا چاہیے۔