سینیٹ انتخابات میں مبینہ ہارس ٹریڈنگ کا معاملہ، حکومت کا بڑا فیصلہ

تفصیلات کے مطابق  حکومت نے  سینیٹ میں ووٹوں کی خرید و فروخت ختم کرنے کے لئے اہم قانون سازی کا فیصلہ کرلیا، وزیر پارلیمانی امور بابر اعوان نے میڈیا سے گفتگو کرتے ہوئے کہا کہ  کل وفاقی کابینہ کا اہم اجلاس ہوگا،  وزارت پارلیمانی امور سینیٹ میں ووٹوں کی خرید و فروخت سے متعلق قانون سازی پر بریفنگ دے گی،صدر مملکت نے ریفرنس کے ذریعے سپریم کورٹ سے رائے مانگی تھی۔

انہوں نے کہا کہ سپریم کورٹ نے اس پر اپنی رائے دی اور حکم جاری کیا کہ ووٹ کے اوپر سے پردا اٹھایا جا سکتا ہے، اگر ووٹ بیچنے کا شک ہو تو ووٹ دیکھا جا سکتا ہے؟ ، ضرورت پڑنے پر دیکھا جا سکتا ہے کہ ووٹ جس پارٹی کو پڑنا چاہئے تھا اسی کو پڑا ہے یا نہیں، وزارت پارلیمانی امور اور الیکشن کمیشن کا آپس میں رابطے میں ہے، الیکشن کمیشن سے مشاورت کے ساتھ یہ قانون سازی کرنے جا رہے ہیں۔