جی سیون ممالک نے روس کو وارننگ دیدی

غیر ملکی خبر رساں ادارے کے مطابق برطانیہ کے شہر لیورپول میں جی سیون اجلاس ہوا ،جس میں طاقتور ممالک کے بلاک جی سیون نے کہا کہ ہے کہ  اگر روس نے یوکرین پر حملہ کیا تو اسے اس کی بھاری قیمت ادا کرنا پڑے گی۔

جی سیو ن  ممالک نے ماسکو سے یوکرین کے ساتھ جاری کشیدگی کم کرنے کا مطالبہ بھی کیا۔

برطانوی وزیر خارجہ نے ایران سے متعلق بات کرتے ہوئے کہا کہ ایران کے پاس اب بھی وقت ہے کہ وہ مذاکرات کے لیے آئے اور جوہری مذاکرات کی ڈیل پر اتفاق کرے۔

جس پر ایران نے ردعمل دیتے ہوئے کہا کہ  یورپی ممالک مذاکرات میں تعمیری تجاویز دینے میں ناکام رہے، فریقین نے ایران پر پابندیوں سے متعلق اختلافات کو حل کرنے کے لیے کوئی اقدام نہیں کیا۔