پہلا ٹی ٹوئنٹی: پاکستان نے ویسٹ انڈیز کو شکست دے دی

تفصیلات کے مطابق پاکستان نے پہلے کھیلتے ہوئے 6وکٹوں کے نقصان پر مقرر اوورز میں 200 رنز بنائے تھے۔ 

حدف کا تعاقب کرتے ہوئے ویسٹ انڈیز کی پوری ٹیم 137 رنز پر ڈھیر ہوگئی،پاکستان کی جانب سے محمد وسیم نے عمدہ بولنگ کا مظاہرہ کرتے ہوئے4اوورز میں چار وکٹیں حاصل کیں۔

کراچی کے نیشنل اسٹیڈیم میں کھیلے جارہے میچ میں مہمان ٹیم کے کپتان نے ٹاس جیت کر پاکستان کو پہلے بیٹنگ کی دعوت دی۔

پاکستان نے مقررہ 20 اوورز میں 6 وکٹوں کے نقصان پر 200 رنز بنائے،محمد رضوان 78 اور حیدر علی 68 رنز بناکر نمایاں رہے۔

پاکستان ٹیم کا آغاز اچھا نہ رہا، کپتان بابر اعظم پہلے ہی اوور میں صفر پر آؤٹ ہوگئے ، پاکستان کی دوسری وکٹ 35 رنز پر گری جب فخر زمان 10 رنز بناکر پویلین لوٹ گئے۔

پاکستان کی چوتھی وکٹ 147 رنز پر گری جب محمد آصف 1 رنز بناکر پویلین لوٹ گئے۔اس کے علاوہ افتخار احمد 7 رنز بنا کر آؤٹ گئے۔

اننگز کے آخری اوورز میں محمد نواز نے 10 گیندوں پر 30 رنز اسکور کر کے ٹیم کا اسکور 200 رنز تک پہنچایا۔