آرمی چیف کا کور ہیڈ کوارٹرز کراچی کا دورہ،آئی ایس پی آر

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان میں کہا گیا ہے کہ آرمی چیف جنرل قمر جاوید باجوہ نے کور ہیڈ کوارٹرز کراچی کا دورہ کیا، آرمی چیف کو فارمیشن کے آپریشنل امور پر تفصیلی بریفنگ دی گئی، صوبے خصوصاً کراچی کی سیکیورٹی صورتحال بھی بریفنگ کا حصہ تھی، کراچی میں سوک سہولیات بہتر بنانے کے اقدامات سے بھی آگاہ کیاگیا۔

آئی ایس پی آر نے کہا کہ آرمی چیف نےداخلی سیکیورٹی کیلئےکراچی کورتیاریوں اوراقدامات پراطمینان کااظہارکیا، آرمی چیف نےامن وامان بہتر بنانے کیلئےفارمیشن اور سندھ رینجرز کی قربانیوں کو سراہا۔

آرمی چیف جنرل قمر جاوید باجوہ نے کہا کہ سندھ رینجرز کے افسر سے دہشتگردی اور جرائم کی شرح میں نمایاں کمی ہوئی، آرمی چیف نے کراچی ٹرانسفرمیشن پلان پرعمل درآمدکیلئےتمام فریقین کی کوششوں کی بھی تعریف کی۔

ترجمان پاک فوج کا کہنا ہے کہ  آرمی چیف نےسندھ پولیس ہیڈکوارٹرزکابھی دورہ کیا، آرمی چیف نے یادگار شہداء پر حاضری دی اورفاتحہ کی، آرمی چیف نے سیکیورٹی صورتحال کیلئے سندھ پولیس کے کردار کی بھی تعریف کی۔

آئی ایس پی آر کے مطابق  آرمی چیف کی سندھ پولیس کے شہدا کے اہلخانہ سے بھی بات چیت کی، آرمی چیف نے سندھ پولیس کے شہداء کو بھرپورخراج عقیدت پیش کیا۔

آرمی چیف نے  پاک فوج کی جانب سے  بھرپور تعاون کی یقین دہانی کرائی، آرمی چیف کےکراچی پہنچنے پر کور کمانڈر لیفٹیننٹ جنرل محمدسعیدنےاستقبال کیا۔