موسم سرما کی چھٹیوں پر فیصلہ کل این سی اوسی اجلاس میں ہوگا

تفصیلات کے مطابق  بین الصوبائی سیکرٹریز تعلیم کا اجلاس ختم ہوگیا، موسم سرما کی چھٹیوں پر وفاقی اکایوں سے سفارشات لے لی گئیں ہیں۔

ذرائع نے بتایا کہ  اجلاس میں 25 دسمبر سے 5 جنوری تک تعلیمی اداروں میں سردیوں کی تعطیلات کا فیصلہ کیا گیا۔

موسم سرما کی چھٹیوں پر حتمی اتفاق رائے کیلئے فیصلہ کل نیشنل کمانڈ اینڈ آپریشن سینٹر (این سی اوسی)  میں ہوگا۔ اجلاس میں تمام صوبوں سے سیکرٹریز ایجوکیشن موجود تھے۔

گزشتہ ماہ  پنجاب حکومت  کا سموگ کی روک تھام کیلئے بڑا فیصلہ کیا تھا،  لاہور میں  تمام تعلیمی ادارے اور نجی دفاتر  میں ہفتہ اور اتوار کے علاوہ   پیر کی بھی چھٹی  کا حکم جاری کردیا گیا تھا۔

نوٹیفکیشن کے مطابق  نجی دفاتر کا عملہ کورونا وبا کی طرح سوموار کے روز گھر میں بیٹھ کر آن لائن کام کریں گے،  پیرکی چھٹی کے دوران تعلیمی اداروں کو  طلبہ  کی آن  لائن   کلاس جاری  رکھنے  کا حکم دیا گیا تھا۔پنجاب حکومت کا نیا حکم نامہ  27 نومبر  سے15 جنوری تک  نافذ العمل رہے گا۔