عمران خان کو بہت بڑی شکست ہوئی ہے ، محمد زیبر

مسلم لیگ ن کے رہنما محمد زبیر کا کہنا ہے کہ  یوسف رضا گیلانی کی جیت عمران خان کیخلاف عدم اعتماد ہے،عمران خان ہاوس کا اعتماد کھو چکے ہیں،وزیراعظم کیخلاف تحریک عدم اعتماد ضرور لائیں گے، عمران خان کو بہت بڑی شکست ہوئی ہے، عمران خان میں کوئی شرم ہو تو ابھی اسمبلیاں تحلیل کرکے گھر چلے جائیں،  عمران خان کو گھر بھیجنے کا پہلا قدم ہے۔

محمد زبیر کا کہنا  ہے کہ   عمران خان نے ہر حربے استعمال کیے لیکن کامیاب نہیں ہوسکے، حفیظ شیخ چند دنوں میں ہی ملک سے باہر چلے جائیں گے، عمران خان کو چاہیے کہ آج استعفیٰ دیدیے، ارکان اسمبلی نے آج ضمیر پر ووٹ دیا ہے۔

ترجمان مریم نواز، محمد زبیر نے کہا کہ   ہم نے ہمیشہ کہا عمران خان ہم سے سیاسی مقابلہ کرے، آج سیاسی معاملے میں عمران خان کو پی ڈی ایم سے شکست ہوگئی، ضمنی انتخابات اور سینیٹ الیکشن میں بھی حکومت کو شکست ہوئی، آج سینیٹ الیکشن میں مریم نواز کی محنت رنگ لائی ہے۔