ٹی ٹوئنٹی سیریز: پاکستان نے ویسٹ انڈیز کو وائٹ واش کردیا

کراچی میں کھیلے جانے والے تیسرے ٹی ٹوئنٹی میچ میں پاکستان نے ویسٹ انڈیز کو وائٹ واش کردیا، پاکستان نے ویسٹ انڈیز کو 7 وکٹوں سے ہرادیا۔

پاکستان کی جانب سے  محمد رضوان 87 رنز بناکر ٹاپ سکورر رہے ، کپتان بابر اعظم نے 79 رنز سکور کیے جبکہ  آصف علی 21 رنز بنا سکے۔ فخر زمان نے 12 رنز سکور کیے۔ پاکستان کی پہلی وکٹ 158 رنز ، دوسری وکٹ 185 رنز پر گری۔

ویسٹ اندیز نے  پاکستان کو جیت کے لیے 208 رنز کا ہدف دیا تھا۔

ویسٹ انڈیز کی جانب سے کپتان نکولس پورن 64 رنز بناکر ٹاپ سکورر رہے، ویسٹ انڈیز نے 3 وکٹوں کے نقصان پر 207 رنز بنائے، شامر بروکس نے 49، برینڈن کنگ نے 43 رنز سکور کیے، ڈیرن براوو 34، پاویل 6 رنز بناکر ناٹ آؤٹ رہے۔

پاکستان کی جانب سے  محمد وسیم جونیئر نے 2 شکار کیے جبکہ  شاہنواز دھانی نے ایک وکٹ حاصل کی۔