پاکستان
آنے والے دنوں میں معاشی حالات مزید بگڑتے نظر آ رہے ہیں:حماد اظہر
پاکستان تحریک انصاف کے رہنما حماد اظہر نے مستقبل کی پیش گوئی کرتے ہوئے کہا ہے کہ آنے والے دنوں میں معاشی حالات مزید بگڑتے نظر آ رہے ہیں۔
اپنے بیان میں انہوں نے کہا کہ پی ڈی ایم حکومت صرف ظلم اور جبر کر سکتی ہے، ملک چلانا ان کے بس کا کام نہیں،آئی ایم ایف کے ساتھ معاملات طے کرنے میں یہ لوگ بالکل ناکام رہے،معیشت کریش کر چکی ہے۔
انہوں نے پی ڈی ایم حکومت کو تنقید کا نشانہ بناتے ہوئے کہا کہ ان کے اعصاب سے عمران خان کا خوف ہی نہیں اُتر رہا۔
پاکستان
بھارت میں شنگھائی تعاون تنظیم کا سربراہی اجلاس 4 جولائی کو ہوگا، پاکستان کو بھی دعوت دیدی
بھارت میں شنگھائی تعاون تنظیم (ایس سی او) کا سالانہ سربراہی اجلاس 4 جولائی کو ہوگا۔
بھارتی وزارت خارجہ کے مطابق ایس سی او کا سالانہ سربراہی اجلاس ورچوئل فارمیٹ میں ہوگا جس میں چین، پاکستان سمیت تمام رکن ممالک کو مدعوکیا گیا ہے۔
بھارتی وزارت خارجہ نے کہا کہ ایران، بیلاروس اور منگولیا کو مبصر جبکہ ترکمانستان کو بطورمہمان مدعو کیا گیا ہے۔
بھارتی وزارت خارجہ کے مطابق اقوام متحدہ اور آسیان سربراہان کو بھی اجلاس میں مدعو کیا گیا ہے۔
خیال رہے کہ رواں ماہ بھارت میں ہونے والے ایس سی او وزرائے خارجہ اجلاس میں وزیرخارجہ بلاول بھٹو زرداری نےشرکت کی تھی۔
پاکستان
پاکستان میں غلطی سے میزائل فائرنگ کے واقعے میں بھارت کو 82 کروڑ کا نقصان
نئی دہلی: گزشتہ سال مارچ میں پاکستان پر برہموس میزائل کے حادثاتی طور پر فائر ہونے سے بھارت کو 24 کروڑ ( 82 کروڑ پاکستانی روپے) کا نقصان ہوا۔
بھارتی میڈیا رپورٹس کے مطابق بھارتی سرکار نے دہلی ہائی کورٹ میں ونگ کمانڈر ابھینو شرما کی جانب سے ملازمت سے برطرفی کی درخواست کے خلاف جواب جمع کرایا جس میں ونگ کمانڈر سمیت تین بھارتی فضائیہ (IAF) افسران کی برطرفی کا جواز پیش کیا گیا۔
حکومت نے کہا کہ ان افسران کی سنگین غفلت کی وجہ سے حکومت کو 24 کروڑ روپے کا نقصان برداشت کرنا پڑا ہے۔
حکومت کا مزید کہنا تھا کہ اس غلطی کی وجہ سے ریاست کی سلامتی پر وسیع پیمانے پر منفی اثرات مرتب ہوئے ہیں۔ علاوہ ازیں معاملے کی حساس نوعیت کو مدنظر رکھتے ہوئے درخواست گزار کی سروس کو ختم کرنے کا ایک شعوری اور سوچ سمجھ کر فیصلہ کیا گیا ہے۔
سرکار کا یہ بھی کہنا تھا کہ بھارتی فضائیہ میں ایسا فیصلہ 23 سال بعد کیا گیا ہے کیونکہ کیس کے حقائق اور حالات ایسی سخت کارروائی کا تقاضہ کرتے ہیں۔
-
دنیا ایک دن پہلےبھارت میں سیکورٹی فورسز کے ساتھ جھڑپوں میں درجنوں باغی ہلاک
-
تجارت 18 گھنٹے پہلےنئے بجٹ میں اوورسیز کیلئے پرکشش سکیم لانے کی تجویز
-
پاکستان 4 گھنٹے پہلےپاکستان میں غلطی سے میزائل فائرنگ کے واقعے میں بھارت کو 82 کروڑ کا نقصان
-
جرم 13 گھنٹے پہلےراولپنڈی: ڈکیتی مزاحمت پر سیشن جج قتل
-
تفریح 2 دن پہلےامریکی اداکار آرنلڈ شیوارزنیگر پاکستان کے مشکور
-
پاکستان ایک دن پہلےتحریک انصاف کے رہنما مراد سعید نے آڈیو بیان جاری کردیا
-
پاکستان ایک دن پہلےسپریم کورٹ ریویوآف ججمنٹس اینڈ آرڈر ایکٹ 2023 سے فائدہ نواز شریف اور جہانگیرترین نہیں اٹھا سکتے: وزیر قانون
-
پاکستان 2 دن پہلےاسلام آباد سمیت ملک کے مختلف شہروں میں زلزلے کے جھٹکے
