جی این این سوشل

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

دنیا

سابق امریکی صدر ٹرمپ انتخابی ریلی میں فائرنگ سے زخمی، حملہ آور ہلاک

گولیاں لگنے سے ریلی میں موجود ایک شخص ہلاک ہو گیا، واقعے کے بعد وہاں موجود لوگوں میں خوف و حراس پھیل گیا

Published by Kamran Jan

پر شائع ہوا

کی طرف سے

سابق امریکی صدر ڈونلڈ ٹرمپ انتخابی ریلی میں فائرنگ سے زخمی ہوگئے جبکہ ایک شخص ہلاک ہوگیا ہے۔

تفصیلات کے مطابق سابق امریکی صدر ڈونلڈ ٹرمپ پر فائرنگ کا واقعہ امریکا کی ریاست پنسلوانیا میں پیش آیا جہاں وہ انتخابی ریلی کے شرکاء سے خطاب کیلئے سٹیج پر موجود تھے کہ اس دوران نامعلوم افراد نے ان پر فائرنگ کر دی جس کے نتیجے میں وہ زخمی ہو گئے جبکہ حملہ آور کو ہلاک کرنے کا دعویٰ بھی کیا گیا ہے۔

غیرملکی میڈیا رپورٹس کے مطابق ری پبلکن پارٹی کے امیدوار ڈونلڈ ٹرمپ کے کان پر خون کے نشانات دیکھے گئے ہیں، فائرنگ کے بعد سکیورٹی اہلکاروں نے سابق صدر کو حصار میں لے لیا اور وہاں سے لے کر روانہ ہو گئے، گولیاں لگنے سے ریلی میں موجود ایک شخص ہلاک ہو گیا، واقعے کے بعد وہاں موجود لوگوں میں خوف و حراس پھیل گیا۔

واقعے کے حوالے سے امریکی سیکرٹ سروس کا کہنا ہے کہ ریلی میں فائرنگ کے بعد ڈونلڈ ٹرمپ محفوظ ہیں، سابق صدر کو محفوظ مقام پر منتقل کر دیا گیا، ریلی میں پیش آئے واقعے کی تحقیقات شروع کر دیں، فائرنگ کرنے والے کا ابھی تک کچھ علم نہیں ہو سکا جیسے ہی معلومات حاصل ہوں گی عوام کو آگاہ کر دیا جائے گا۔

فائرنگ سے زخمی ہونے والے ری پبلکن پارٹی کے صدارتی امیدوار اور سابق امریکی صدر ڈونلڈ ٹرمپ نے بیان جاری کرتے ہوئے کہا ہے کہ میں بالکل خیریت سے ہوں، میں کسی سے ڈرنے والا نہیں ہوں اور سب کا ڈٹ کر مقابلہ کروں گا۔

سابق امریکی صدر ٹرمپ پر فائرنگ کے واقعے سے لاعلمی کا اظہار کرتے ہوئے صدر جوبائیڈن نے کہا ہے کہ ڈونلڈ ٹرمپ کی ریلی میں فائرنگ کے واقعے پر بریفنگ نہیں دی گئی۔

یاد رہے کہ دو روز قبل پریس کانفرنس میں صدر جوبائیڈن نے صدارتی الیکشن کی دوڑ سے دستبردار ہونے سے انکار کرتے ہوئے کہا تھا کہ صدارتی الیکشن لڑنے کا سب سے زیادہ اہل ہوں، ٹرمپ کو پہلے بھی ہرایا تھا اب بھی ہراؤں گا، ٹرمپ کا جیتنا دنیا کیلئے تباہی ہو گا۔

پڑھنا جاری رکھیں

پاکستان

عمران خان کو کمزور کرنے کیلئے ان پر مزید کیسز بنائے جا رہے ہیں ، بیرسٹر گوہر

بیرسٹر گوہرنے کہا کہ یہ واحد کیس بچ گیا تھا اب کوئی اور کیس نہیں ہے، بانی پی ٹی آئی کے خلاف 2 کیسزتھے

Published by Web Desk

پر شائع ہوا

کی طرف سے

بیرسٹرگوہرنے کہا ہے کہ بانی پی ٹی آئی کو مجبورکرنے کیلئے کیسزبنائے گئے، بانی پی ٹی آئی چاہتے ہیں آئین وقانون کی بالادستی ہو۔

اسلام آباد میں پی ٹی آئی رہنماؤں کے ہمران میڈیا سے گفتگو کرتے ہوئے بیرسٹرگوہرنے کہا کہ عدلیہ اب مزید مضبوط ہوگی، بیرسٹر گوہرنے کہا کہ بانی پی ٹی آئی کومجبورکرنے کیلئے کیس بنایا گیا، بانی پی ٹی آئی سپریم کورٹ کے کل کے فیصلے سے خوش تھے، انہوں نے کہا کہ یہ تمام کیسزسیاسی بنیادوں پر بنائے گئے تھے۔ بانی پی ٹی آئی چاہتے ہیں آئین وقانون کی بالادستی ہو۔

بیرسٹر گوہرنے کہا کہ یہ واحد کیس بچ گیا تھا اب کوئی اور کیس نہیں ہے، بانی پی ٹی آئی کے خلاف 2 کیسزتھے، آج بانی پی ٹی آئی کی رہائی ہونی چاہیے، مشکلات میں ساتھ دینے والوں کا شکریہ اداکرتے ہیں۔

 

پڑھنا جاری رکھیں

پاکستان

عابد سلہری کوپ 29کی بین الاقوامی ایڈوائزری کمیٹی کا رکن نامزد

ڈاکٹر عابد قیوم سلہری اس کمیٹی میں جنوبی ایشیا کے واحد ایکسپرٹ ہیں جو کانفرنس کے مذاکرات کے ایجنڈے کو آگے بڑھانے میں COP-29 کے صدر کو معاونت فراہم کریں گے

Published by Web Desk

پر شائع ہوا

کی طرف سے

پائیدار ترقیاتی پالیسی کے ادارے کے ایگزیکٹو ڈائریکٹر ڈاکٹر عابد قیوم سلہری کو COP-29 کی بین الاقوامی ایڈوائزری کمیٹی کا رکن نامزد کردیا گیا ہے۔

ڈاکٹر عابد قیوم سلہری اس کمیٹی میں جنوبی ایشیا کے واحد ایکسپرٹ ہیں جو کانفرنس کے مذاکرات کے ایجنڈے کو آگے بڑھانے میں COP-29 کے صدر کو معاونت فراہم کریں گے۔

موسمیاتی تبدیلی پر اقوام متحدہ کے لائحہ عمل سے متعلق کنونشن کے اراکین کا 29واں اجلاس آزربائیجان کے شہر باکو میں رواں برس گیارہ سے بائیس نومبر تک ہوگا۔

پڑھنا جاری رکھیں

ٹرینڈنگ

Take a poll