سونے کی قیمت میں مسلسل دوسرے روز اضافہ ،فی تولہ کتنے کا ہو گیا؟

کراچی:عالمی و مقامی مارکیٹوں میں سونے کی قیمتوں میں مسلسل دوسرے روز اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز ملک میں سونے کی فی تولہ قیمت 2300 روپے کا اضافہ ہواہے،جس کے بعد فی تولہ سونے کی قیمت 3 لاکھ 57 ہزار روپے ہو گئی۔

اسی طرح 10 گرام سونے کی قیمت میں بھی 1971 روپے کااضافہ ریکارڈ کیا گیا ہے جس کے بعد سونے کی نئی قیمت 3 لاکھ 6 ہزار 69 روپے ہو گئی ہے۔

دوسری جانب عالمی بلین مارکیٹ میں سونے کی قیمت میں 21 ڈالرز کا اضافہ ہوا جس سے سونے کی نئی قیمت بڑھ کر 3 ہزار 345 ڈالرز فی اونس ہو گئی ہے۔