Advertisement
ٹیکنالوجی

صارفین کے لیے بڑی خبر: یوٹیوب کا پارٹنر پروگرام مونیٹائزیشن پالیسی میں تبدیلی کا اعلان

یوٹیوب سے پیسے کمانے کے لیے اب صارفین کو لازمی طور پر اصلی، مصدقہ اور منفرد مواد اپ لوڈ کرنا ہوگا،کمپنی

GNN Web Desk
شائع شدہ ایک سال قبل پر جولائی 11 2025، 5:53 شام
ویب ڈیسک کے ذریعے
صارفین کے لیے بڑی خبر: یوٹیوب کا پارٹنر پروگرام مونیٹائزیشن پالیسی میں تبدیلی کا اعلان

دنیا کی مقبول ترین ویڈیو شیئرنگ ویب سائٹ یوٹیوب جہاں لاکھوں افراد اپنی تخلیقی صلاحیتوں سے آمدنی حاصل کر رہے ہیں، اب وہاں نئے قواعد و ضوابط کا نفاذ ہونے جا رہا ہے جو بہت سے صارفین کے لیے بڑا دھچکا ثابت ہو سکتا ہے۔

تفصیلات کےمطابق یوٹیوب نے اپنی پارٹنر پروگرام مونیٹائزیشن پالیسی میں 15 جولائی سے اہم تبدیلیوں کا اعلان کیا ہے۔

یوٹیوب نے اعلان کیا ہے کہ 15 جولائی 2025 سے Monetization (آمدنی کمانے) سے متعلق اپنی پالیسیوں میں اہم تبدیلیاں کی جا رہی ہیں۔
 کمپنی کے مطابق اس اقدام کا مقصد غیر معیاری، بار بار پوسٹ کی جانے والی یا مصنوعی ذہانت (AI) سے تیار کردہ ویڈیوز کے ذریعے آمدنی کے حصول کو محدود کرنا ہے، جبکہ اصل اور تخلیقی مواد کی حوصلہ افزائی کی جائے گی۔

یوٹیوب پارٹنر پروگرام (YPP) میں ان تبدیلیوں کے ساتھ مکمل گائیڈلائنز بھی جاری کی جائیں گی، جن میں واضح طور پر بتایا جائے گا کہ کن اقسام کی ویڈیوز سے آمدنی حاصل کی جا سکے گی اور کن سے نہیں۔

یوٹیوب کے ہیلپ پیج پر جاری بیان میں کہا گیا ہے کہ اب صارفین کو لازمی طور پر اصلی، مصدقہ اور منفرد مواد اپ لوڈ کرنا ہوگا۔ پالیسی کی یہ تبدیلی صارفین کو یہ سمجھنے میں مدد دے گی کہ کون سا مواد غیر مستند سمجھا جائے گا۔

یوٹیوب کی جانب سے یہ اقدام ان کانٹینٹ کریئیٹرز کے لیے خطرہ بن گیا ہے جو اپنی ویڈیوز میں اصل تخلیقی مواد کے بجائے ٹیمپلیٹس یا AI ٹولز کا استعمال کرتے ہیں۔

تاہم دوسری جانب بعض صارفین کو خدشہ ہے کہ اس اقدام سے ری ایکشن ویڈیوز یا دیگر معمول کے فارمیٹس متاثر ہو سکتے ہیں۔

یوٹیوب کے نمائندے رینی رچی (Rene Ritchie) نے واضح کیا ہے کہ ایسی ویڈیوز پر پابندی نہیں لگائی جا رہی، بلکہ یہ پالیسی اپ ڈیٹس صرف غیر معیاری مواد کی شناخت کے لیے کی جا رہی ہیں۔

ان کا کہنا تھا کہ کئی اقسام کی ویڈیوز پہلے ہی یوٹیوب کی موجودہ پالیسی کے تحت آمدنی کے اہل نہیں تھیں، اور نئی تبدیلی صرف انہی پالیسیوں کی مزید وضاحت ہے۔

یوٹیوب پر AI سے تیار کردہ ویڈیوز کی تعداد میں حالیہ برسوں میں نمایاں اضافہ ہوا ہے۔

 کمپنی کی جانب سے غیر معیاری مواد کی اصطلاح کا اطلاق عمومی طور پر اے آئی ویڈیوز پر کیا جا رہا ہے،نئی پالیسیز کے تحت کون سا AI مواد آمدنی کے قابل ہو گا، اور کون سا نہیں — یہ تفصیلات 15 جولائی کو جاری ہونے والی مکمل گائیڈلائنز سے واضح ہوں گی۔
دوسری جانب یوٹیوب نےیوٹیوب نے اپنے مقبول ’ٹرینڈنگ‘ پیج کو بند کرنے کا اعلان کردیا ہے۔

 یوٹیوب کے مطابق یہ تبدیلی اس لیے کی جا رہی ہے تاکہ ہر کمیونٹی کو اپنی پسند کے مطابق مقبول مواد دکھایا جا سکے۔

یوٹیوب کا کہنا ہے کہ پہلے جب ٹرینڈنگ پیج بنایا گیا تھا تو کیا ٹرینڈ کر رہا ہے سمجھنا آسان تھا، چند ہی ویڈیوز ہر جگہ دیکھنے کو ملتی تھیں، مگر آج کے دور میں مختلف کمیونٹیز اور مداحوں کے الگ الگ ذوق اور پسند ہے، اس لیے اب کئی قسم کے مائیکرو ٹرینڈز بنائے جائیں گے۔

 

 

Advertisement
نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ

  • 2 دن قبل
فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ

  • 2 دن قبل
دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار

  • 2 دن قبل
پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام

  • ایک دن قبل
الزامات کی بجائے  خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو

  • ایک دن قبل
متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز  زیر بحث

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث

  • 2 دن قبل
پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر

  • ایک دن قبل
پیٹرول اور ڈیزل کی نئی قیمتوں کا اعلان

پیٹرول اور ڈیزل کی نئی قیمتوں کا اعلان

  • 2 دن قبل
وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

  • 14 دن قبل
شعیب ایوب بٹالوی کی موٹیویشنل تقریر نے حاضرین کے دل جیت لیے

شعیب ایوب بٹالوی کی موٹیویشنل تقریر نے حاضرین کے دل جیت لیے

  • 2 دن قبل
پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

  • 14 دن قبل
پاکستان میں  فی تولہ سونا  ہزاروں  روپے سستا ہوگیا

پاکستان میں فی تولہ سونا ہزاروں روپے سستا ہوگیا

  • ایک دن قبل
Advertisement