بھارت عالمی دہشتگردی کا سرغنہ بن چکا، بلوچستان میں مداخلت کے ثبوت واضح ہیں: ترجمان دفتر خارجہ
ہفتہ وار پریس بریفنگ میں گفتگو کرتے ہوئے ترجمان کا کہنا تھا کہ پاکستان دہشتگردی کے معاملے پر بالکل واضح مؤقف رکھتا ہے


اسلام آباد: ترجمان دفتر خارجہ شفقت علی خان نے بھارت پر عالمی سطح پر دہشتگردی پھیلانے اور پاکستان، بالخصوص بلوچستان میں براہِ راست مداخلت کا الزام عائد کرتے ہوئے کہا ہے کہ بھارت کا دہشتگرد نیٹ ورک پوری دنیا میں متحرک ہے، اور پاکستان اس معاملے کو ہر عالمی فورم پر اجاگر کر رہا ہے۔
ہفتہ وار پریس بریفنگ میں گفتگو کرتے ہوئے ترجمان کا کہنا تھا کہ پاکستان دہشتگردی کے معاملے پر بالکل واضح مؤقف رکھتا ہے۔ بلوچستان میں بھارتی مداخلت کے ناقابلِ تردید شواہد موجود ہیں اور بھارت کی پراکسی تنظیمیں پاکستان میں دہشتگرد کارروائیوں میں ملوث ہیں۔
انہوں نے افغانستان کی صورتحال پر بات کرتے ہوئے کہا کہ وہاں دہشتگردوں کی محفوظ پناہ گاہیں اب بھی ایک بڑا چیلنج ہیں۔ پاکستان اس سلسلے میں افغان حکومت کے ساتھ مسلسل رابطے میں ہے اور امید ہے کہ کابل حکومت اس خطرے سے نمٹنے کے لیے سنجیدہ کوشش کرے گی۔
ترجمان نے ماضی کی پالیسیوں پر بات کرتے ہوئے کہا کہ 1980 کی دہائی میں کیا فیصلے ہوئے، یہ اس وقت کے ذمہ داران ہی وضاحت کر سکتے ہیں، تاہم اب وقت ہے کہ ماضی کی قید سے نکل کر مستقبل کی جانب دیکھا جائے۔
کشمیر کے مسئلے پر شفقت علی خان نے کہا کہ مقبوضہ کشمیر میں انسانی حقوق کی خلاف ورزیاں دہائیوں سے جاری ہیں اور افسوسناک حقیقت یہ ہے کہ آج بھی کشمیریوں کی مشکلات میں کوئی کمی نہیں آئی۔ ایک کشمیری نوجوان کی تذلیل کے واقعے پر پاکستان کا مؤقف واضح ہے۔
بلاول بھٹو کے حالیہ بیان سے متعلق پوچھے گئے سوال پر ترجمان نے کہا کہ اس کی وضاحت پیپلز پارٹی ہی کر سکتی ہے، تاہم یہ واضح ہے کہ بلاول بھٹو نے کسی بھی رہنما کو بھارت کے حوالے کرنے کی بات نہیں کی۔ بھارتی مشیر قومی سلامتی کا بیان حقائق کو مسخ کرنے کی کوشش اور بھارت کے جارحانہ عزائم کا عکاس ہے۔
ایس سی او اجلاس کے ضمن میں اسحاق ڈار کی بھارتی حکام سے ممکنہ ملاقات کے حوالے سے ترجمان کا کہنا تھا کہ بھارتی رہنماؤں سے ملاقات کا کوئی ارادہ نہیں، البتہ دیگر ممالک کے قائدین سے ملاقاتیں شیڈول کی جا رہی ہیں۔ انہوں نے سندھ طاس معاہدے کو 25 کروڑ افراد کے پانی سے جڑے حقِ حیات کا مسئلہ قرار دیا۔
شفقت علی خان نے مزید کہا کہ چین پاکستان کا قریبی اور قابلِ اعتماد دوست ہے، اور تائیوان کے معاملے پر پاکستان کی پالیسی میں کوئی تبدیلی نہیں آئی۔ انہوں نے بتایا کہ پاکستان برکس ممالک کی تنظیم میں شمولیت کا خواہشمند ہے، تاہم چونکہ پاکستان ابھی رکن نہیں ہے، اس لیے اس بارے میں مزید تبصرہ نہیں کیا جا سکتا۔
ماحولیاتی مسائل پر بات کرتے ہوئے ترجمان نے کہا کہ پاکستان ان ممالک میں شامل ہے جو ماحولیاتی آلودگی سے شدید متاثر ہوئے ہیں، حالانکہ اس میں ہمارا کردار دیگر صنعتی ممالک کے مقابلے میں انتہائی محدود ہے۔
انہوں نے کہا کہ پاکستان اسٹیل ملز دراصل سوویت یونین کا ایک تحفہ تھی، اور حکومت اس کی بحالی کے لیے سنجیدہ کوششیں کر رہی ہے۔ ترجمان نے یہ بھی بتایا کہ امریکا میں سینیئر حکام سے تجارتی معاہدوں کے لیے بات چیت جاری ہے۔

لاہور: بھارتی دہشت گرد عثمان عرف عبدالرحمٰن کو 20 سال قید کی سزا
- 13 hours ago

پشاور اور ملحقہ علاقوں میں اربن فلڈنگ کی صورتحال، پی ڈی ایم اے کا ریسکیو آپریشن جاری
- 12 hours ago

دریائے ستلج میں وہاڑی کے مقام پر درمیانے درجے کا سیلاب برقرار
- 22 minutes ago

اسرائیلی فوج کا حماس ترجمان ابو عبیدہ کو نشانہ بنانے کا دعویٰ، حملے میں مزید 77 فلسطینی شہید
- 13 minutes ago

پنجاب کے مختلف شہروں میں جاری موسلا دھا ر بارش سے سیلاب متاثرین کی مشکلات میں اضافہ
- 3 minutes ago

سپرنٹنڈنٹ اڈیالہ جیل نے عمران خان کی میڈیکل رپورٹ عدالت میں پیش کر دی
- 15 hours ago

مریم نواز کا سیلاب سے متاثرہ اضلاع کے لیے انتظامیہ کو بروقت اقدامات کی ہدایت
- 13 hours ago

تین ملکی سیریز: پاکستان کا متحدہ عرب امارات کے خلاف ٹاس جیت کر بیٹنگ کا فیصلہ
- 14 hours ago
سیلاب متاثرہ خواتین اور بچوں کو ریلیف کیمپوں میں سنگین مسائل کا سامنا
- 10 hours ago

پاکستان کی ٹرائی نیشن سیریز میں مسلسل دوسری فتح، یو اے ای کو 31 رنز سے شکست
- 10 hours ago

امریکا کا یوکرین کو جدید فضائی دفاعی نظام دینے کا فیصلہ
- 13 hours ago

وزیراعظم شہباز شریف چین کے 6 روزہ دورے پر پہنچ گئے، شنگھائی تعاون تنظیم اجلاس میں شرکت کریں گے
- 15 hours ago