میڈیا ذرائع کا کہنا ہے کہ پاکستانی ٹیم  اسکواڈ اور فینز کے ویزوں کے حوالے سےابھی کچھ  نہیں بتایا گیا، پی سی بی ایک ہفتے سے بھارتی ہائی کمیشن سے رابطے میں ہے، ایک ہفتے سے ویزوں کے جلد اجرا کے حوالے سے کہا گیا لیکن ہفتے کے آخری روز بھی ویزوں کا اجرا نہ ہو سکا۔

ذرائع کا کہنا ہے کہ  پاکستان کرکٹ اسکواڈ کے ویزے تاخیرکا شکار ہیں اور پاکستان کرکٹ بورڈ ویزے کے اجرا کے حوالے سے پریشانی کا شکار  ہے۔

ذرائع کے مطابق پاکستان کرکٹ بورڈ نےانٹرنیشنل کرکٹ کونسل (آئی سی سی) کو مسئلے سے متعلق آگاہ کردیا، معاہدے کے مطابق بروقت ویزے جاری کرنے کا کہا تھا۔

نیویارک: نگراں وزیراعظم انوار الحق کاکڑ نے جمعہ کو عالمی برادری پر زور دیا کہ وہ ہندوتوا سے متاثر انتہاپسندوں سمیت تمام دہشت گردوں کا بلا امتیاز مقابلہ کرے۔ 

جمعہ کو نیویارک میں اقوام متحدہ کی جنرل اسمبلی کے 78ویں اجلاس سے خطاب کرتے ہوئے انہوں نے نشاندہی کی کہ انتہائی دائیں بازو کے انتہا پسند اور فاشسٹ گروپوں کے بڑھتے ہوئے خطرے سے ہندوستانی مسلمانوں اور عیسائیوں کی نسل کشی کا خطرہ ہے۔  انہوں نے ریاستی دہشت گردی کی مخالفت کرنے اور اس کی بنیادی وجوہات جیسے غربت، ناانصافی اور غیر ملکی قبضے کو دور کرنے کے علاوہ حقیقی آزادی کی جدوجہد کو دہشت گردی سے ممتاز کرنے کی ضرورت پر زور دیا۔  وزیراعظم نے کہا کہ ترقی کا دارومدار امن پر ہے۔

انہوں نے کہا کہ پاکستان دنیا کے سب سے کم معاشی طور پر مربوط خطے میں واقع ہے اور اس کا خیال ہے کہ خطہ مل کر ترقی کرتا ہے۔ انہوں نے کہا کہ اس لیے پاکستان بھارت سمیت اپنے تمام پڑوسیوں کے ساتھ پرامن اور نتیجہ خیز تعلقات کا خواہاں ہے۔

انہوں نے کہا کہ کشمیر پاکستان اور بھارت کے درمیان امن کی کلید ہے۔ جموں و کشمیر کا تنازع سلامتی کونسل کے ایجنڈے پر سب سے پرانا مسئلہ ہے۔ انہوں نے اس بات پر افسوس کا اظہار کیا کہ بھارت نے سلامتی کونسل کی قراردادوں پر عمل درآمد سے گریز کیا ہے، جس میں جموں و کشمیر کے حتمی فیصلے کا اقوام متحدہ کے زیر نگرانی رائے شماری کے ذریعے اس کے عوام کو فیصلہ کرنے کا مطالبہ کیا گیا ہے۔ 

 خاص طور پر 5 اگست 2019 سے غیر قانونی طور پر مقبوضہ جموں و کشمیر میں بھارتی مظالم کا ذکر کرتے ہوئے، وزیر اعظم نے اقوام متحدہ کی سلامتی کونسل سے مطالبہ کیا کہ وہ تنازعہ کشمیر پر اپنی قراردادوں پر عمل درآمد کو یقینی بنائے۔

انہوں نے تجویز دی کہ بھارت اور پاکستان کے لیے اقوام متحدہ کے فوجی مبصر گروپ کو مزید تقویت دی جائے۔ انہوں نے عالمی طاقتوں پر زور دیا کہ وہ نئی دہلی کو اس بات پر قائل کریں کہ وہ اسلام آباد کی جانب سے اسٹریٹجک اور روایتی ہتھیاروں پر باہمی تحمل کی پیشکش کو قبول کرے۔

گوجرانوالہ : تھانہ کوتوالی کے علاقہ میں معذور شہری سے دوہری واردات معذور شہری بازار میں کام کی غرض کی سے گیا تو کسی نے معذور شہر ی کی جیب کاٹ لی ۔

معذور شہری تھانہ کوتوالی اپنی جیب کاٹنے کی شکایت درج کروانے کے لیے گیا تو چور معذور شہری کی موٹر سائیکل لے کر فرار ہو گیا ۔

گوجرانوالہ:تھانہ کوتوالی کے علاقہ میں معذور شہری سے دوہری واردات#GNN #NewsUpdates #BreakingNews #GNN_Updates pic.twitter.com/P8F398Kdng

— GNN (@gnnhdofficial) September 22, 2023

پولیس نے معذور شہری کی مدیت میں مقدمہ درج کرلیا ، پولیس حکام کا کہنا ہے کہ ملزم کو جلد سے جلد گرفتار کر لیا جائے گا ۔

جبکہ تاحال پولیس ملزم کو گرفتار کرنے میں ناکام ہے ۔