جی این این سوشل

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

صوبائی حکومت پر دہشتگردی کی ذمہ داری ڈالنا وفاق کی ناکامی کا ثبوت ہے، بیرسٹر سیف

خواجہ آصف ہروقت زہریلے لہجے میں اپنا بغض نکالتے رہتے ہیں، مشیر اطلاعات کے پی

Published by Nouman Haider

پر شائع ہوا

کی طرف سے

پی ٹی آئی رہنما اور مشیر اطلاعات خیبر پختونخوا بیرسٹر سیف نے  نے خواجہ آصف کو ملکی سیاست کی پھپھے کٹنی قرار دیتے ہوئے کہا کہ خواجہ آصف ہروقت زہریلے لہجے میں اپنا بغض نکالتے رہتے ہیں اگر یہ جنگ صوبوں نے ہی لڑنی ہے تو آپ کیا تبرک بانٹنے کیلئے وزیر دفاع بنے بیٹھے ہیں ۔

بیرسٹر سیف کا کہنا ہے کہ صوبائی حکومت پر دہشتگردی کی ذمہ داری ڈالی جارہی ہے۔ ایسا کرنا وفاقی حکومت کی نااہلی ہے۔ خواجہ آصف ملکی سیکورٹی جیسے اہم معاملات پر بھی سیاسی بیان بازی سے باز نہیں آتے ہیں۔ حکومت پی ٹی آئی کے خلاف بیان بازی کے بجائے ملکی دفاع پر توجہ دے۔

انہوں نے کہا کہ خواجہ آصف سیکیورٹی جیسے اہم معاملات پر بھی بیان بازی سے باز نہیں آتے، اپنے فرائض میں ناکامی دوسروں کے سر ڈالنا وفاقی حکومت کی نااہلی کا ثبوت ہے، دہشت گردی کی حالیہ لہر کی وجہ سے خیبر پختونخوا کے عوام کا خون بہہ رہا ہے۔ خیبر پختونخواہ لہو لہان ہے لیکن یہ شخص پشتونوں کے زخموں پر نمک چھڑک رہا ہے۔

بیرسٹر سیف نے کہا کہ سب کو پتہ ہے کہ دہشت گردی کراس بارڈر مسئلہ ہے، ملکی سرحدوں کی حفاظت وزارت دفاع کی ذمہ داری ہے، جھوٹ اور الزامات کی سیاست خواجہ آصف کا پرانا وطیرہ ہے، خواجہ آصف کے بے ہودہ بیانات شہدا کے لواحقین کی دل ازاری کا موجب بن رہے ہیں۔

پڑھنا جاری رکھیں

علاقائی

کراچی میں شدید گرمی کے باعث 200 عزاداروں کی حالت غیر

کراچی شہر میں شدید گرمی کے باعث عاشورہ کے جلوس میں سیکڑوں افراد گرمی سے متاثر ہوگئے

Published by Nouman Haider

پر شائع ہوا

کی طرف سے

کراچی میں شدید گرمی کے باعث 200 عزاداروں کی حالت غیر ہوگئی جس کے باعث انہیں اسپتال منتقل کردیا گیا۔

کراچی شہر میں شدید گرمی کے باعث عاشورہ کے جلوس میں سیکڑوں افراد گرمی سے متاثر ہوگئے۔

ایگزیکٹو ڈائریکٹر جناح اسپتال ڈاکٹرشاہد رسول نے بتایا کہ جناح اسپتال کےکیمپ میں دوپہر ایک بجے تک گرمی سے متاثر افراد کے 200 کیسز رپورٹ ہوئے۔

ایگزیکٹو ڈائریکٹر کے مطابق شدید گرمی سے 200 عزاداروں کی حالت خراب ہوئی جنہیں ابتدائی طبی امداد فراہم کردی گئی ہے۔

ڈاکٹرشاہدرسول نے شہریوں سے درخواست کی کہ شہری شدید گرمی میں ٹھنڈے مشروبات کا استعمال کریں اور باہر نکلتے ہوئے گیلا تولیہ سر پر رکھیں۔

پڑھنا جاری رکھیں

تجارت

ایشیائی ترقیاتی بینک کی رواں مالی سال پاکستان میں مہنگائی کی شرح زیادہ رہنے کی پیشگوئی

گزشتہ مالی سال پاکستان کی معاشی شرح نمو  2.4 فیصد رہی، آؤٹ لک رپورٹ

Published by Nouman Haider

پر شائع ہوا

کی طرف سے

ایشیائی ترقیاتی بینک نے رواں مالی سال پاکستان میں مہنگائی کی شرح زیادہ رہنے کی پیشگوئی کردی۔

ایشیائی ترقیاتی بینک نے ایشین ڈویلپمنٹ آؤٹ لک رپورٹ جاری کردی۔ رپورٹ کے مطابق رواں مالی سال پاکستان میں مہنگائی کی شرح  زیادہ رہے گی۔

رپورٹ کے مطابق گزشتہ مالی سال پاکستان کی معاشی شرح نمو  2.4 فیصد رہی، گزشتہ مالی سال معاشی ترقی کی شرح میں  زراعت نے اہم کردار ادا کیا، پاکستان میں  مہنگائی کی شرح  38 فیصد سے کم ہوکر  11.8 فیصد پر آگئی، پاکستان میں مہنگائی کی شرح کم ہونے سے پالیسی ریٹ میں کمی ہوئی۔

ایشیائی ترقیاتی بینک کے مطابق پاکستانی معیشت میں قرضوں کا حجم 7 فیصد کم ہوسکتا ہے، پاکستانی معیشت میں قرضوں کا حجم  77 فیصد سے کم ہوکر  70 فیصد تک ہوسکتا ہے، رواں مالی سال پاکستان کے 62 فیصد محصولات قرضوں کی ادائیگی پر خرچ ہوں گے۔

 ایشیائی ترقیاتی بینک (اے ڈی بی ) نے اس سال ترقی پذیر ایشیا اور بحرالکاہل کے لیے اپنی اقتصادی ترقی کی پیشن گوئی کو 4.9 کے پچھلے تخمینہ سے بڑھا کر 5 کردیا یہے کیوں کہ بڑھتی ہوئی علاقائی برآمدات لچکدار گھریلو طلب کو پورا کرتی ہیں۔ اگلے سال کے لیے شرح نمو 4.9 فیصد پر برقرار ہے گی۔

جنوب مشرقی ایشیا کے لیے ملکی اور بیرونی مانگ میں ٹھوس بہتری کے درمیان اس سال ترقی کی پیش گوئی 4.6 فیصد پر برقرار ہے۔ وسطی ایشیا کے لیے اس سال کا آوٴٹ لک 4.3 فیصد کے پچھلے تخمینے سے بڑھا کر 4.5فیصد کر دیا گیا ہے، جس کا ایک حصہ آذربائیجان اور کرغز جمہوریہ میں توقع سے زیادہ مضبوط ترقی ہے۔ بحرالکاہل میں 2024 کے لیے آوٴٹ لک کو 3.3 فیصد نمو پر برقرار رکھا گیا ہے، جو کہ سیاحت اور انفراسٹرکچر کے اخراجات کے ساتھ پاپوا نیو گنی میں کان کنی کی بحالی کی سرگرمیوں سے چل رہا ہے۔

پڑھنا جاری رکھیں

ٹرینڈنگ

Take a poll