نئے سال کا جشن ، گوگل نے ڈوڈل تبدیل کردیا 

پاکستان سمیت دُنیا بھر میں سالِ نو کا جشن منایا جا رہا ہے ، 2022ء  کا آغاز آتش بازی اور جشن کےساتھ کیا گیا ۔ دنیا بھر کے سب ہی افراد نئی امیدوں ، خوشیوں اور دل میں  نئی امنگوں، چاہتوں کو لیے نئے سال میں داخل ہو رہے ہیں ۔

 ایسے میں دنیا بھر میں سب سے زیادہ استعمال کیے جانے والے سرچ انجن  گوگل نے بھی  نئے سال کو منفرد انداز میں خوش آمدید کہتے ہوئے اپنا نیا ڈوڈل متعارف کروایا ہے ۔ گوگل  ہمیشہ  اپنے  ہوم پیج  کو ہر  تہوار  کی نسبت سے  doodles کے ساتھ  سجانے کی روایت جاری رکھے ہوئے ہے اور اس سال نئے سال کا استقبال کرنے کے لیے ایک سادہ ڈیزائن  پیش کیا گیاہے ۔

نئے سال 2022ء کے حوالے سے جاری کیے گئے گوگل کی جانب سے اپنے نئے ڈوڈل میں ٹافیاں اور نہایت خوبصورت، رنگ برنگے انداز میں 2022 لکھا گیا ہے ۔

صارفین کی جانب سے گوگل کے اس نئے ڈوڈل کو بے حد سراہا جارہا ہے ۔