سال 2022 : دوسورج اور 2چاند گرہن ہوں گے 

محکمہ موسمیات کے مطابق سال 2022 میں 2سورج اور 2 چاند گرہن ہوں گے۔جن میں سے ایک چاند گرہن جزوی پاکستان میں دیکھا جاسکے گا۔

محکمہ موسمیات کا کہنا ہے کہ  پہلا جزوی سورج گرہن 30 اپریل اور دوسرا 25 اکتوبر کو ہوگا جو پاکستان میں دکھائی نہیں دیں گے ۔  پہلا سورج گرہن جنوبی امریکہ،اینٹارکٹکا کے مختلف حصوں، پیسیفک، ایٹلانٹیک میں دیکھا جائے گا جبکہ دوسرا سورج گرہن  یورپ، مغربی ایشیا ، شمالی آسٹریلیا،اور جنوبی ایشیا کے کچھ حصوں میں دیکھا جاسکے گا۔ 

 سال 2022 کا پہلا چاند گرہن 16 مئی اور دوسرا اور آخری چاند گرہن 8نومبر  کو ہوگا جو مکمل چاند گرہن ہوں گے۔ 

پہلا چاند گرہن شمال اور جنوب امریکا، یورپ اور افریقہ اور ایشیا کے کچھ حصوں میں دیکھا جاسکے گا جبکہ  دوسرا چاند گرہن جزوی طور پر  پاکستان میں دیکھا جا سکے گا  ۔ 

 دوسرا چاند گرہن پاکستان سمیت ایشیا،اسٹریلیا، شمالی اور مشرقی یورپ،اور جنوبی امریکا میں دیکھا جا سکے گا۔