انتخابی عمل میں نوجوانوں  کی شمولیت کےلئے الیکشن کمیشن کا اہم فیصلہ

تفصیلات کے مطابق  الیکشن کمیشن  نے ملک بھر میں یونیورسٹیوں، کالج اور ہائی سکینڈری سکولز میں نوجوانوں کے درمیان ووٹرز آگاہی مہم شروع کردی ہے، مہم کا مقصد عام انتخابات 2023 میں نوجوانوں کی زیادہ سے زیادہ حق رائے کے استعمال کو یقینی بنانا ہے۔

الیکشن کمیشن کا کہنا ہے کہ  انتخابی فہرستوں میں 5 کروڑ سے زائد 18 سے 36 سال کے افراد بطور ووٹر رجسٹرڈ ہیں، ڈسٹرکٹ الیکشن کمشنرز اور ریجنل الیکشن کمشنرز تعلیمی اداروں میں سٹوڈنٹس کو ووٹرز اگائی مہم دینگے، نوجوانوں کے درمیان ووٹرز آگاہی مہم مرحلہ وار ہو گی،  سٹوڈنٹس کا تربیت کا مکمل ہونے کے بعد ان میں سے رضاکار ٹیم بنائی جائے گی۔ سٹوڈنٹس کی یہ رضاکار ٹیم اپنے اپنے علاقوں میں ووٹرز آگاہی مہم شروع کریں گے، سٹوڈنٹس کو آخر میں الیکشن کمیشن تعریفی اسناد دے گا،  الیکشن کمیشن نے ووٹرز آگاہی پلان کی منظوری دیدی ہے۔