’اگر روس نے یوکرائن  پر حملہ کیا تو فیصلہ کن کارروائی کریں گے‘

غیر ملکی خبر رساں ادارے کے مطابق  امریکی صدر جوبائیڈن نے یوکرائن کے صدر ولادیمیر زیلینسکی سے  ٹیلی فونک گفتگو کی اور انہیں یقین دلایا ہے کہ اگر روس نے یوکرائن پر حملہ کیا تو روس کے خلاف فیصلہ کن کارروائی کریں گے۔

امریکی صدر جوبائیڈن کا کہنا ہے کہ اگر روس نے یوکرائن پر حملہ کیا تو اپنے اتحادیوں کے ساتھ مل کر روس کے خلاف فیصلہ کن کارروائی کریں گے۔

بائیڈن اور یورپی رہنماؤں کی جانب سے سنگین نتائج کے انتباہ کے باوجود، 100,000 روسی فوجی یوکرین کی سرحد پر موجود ہیں  اور امریکی انٹیلی جنس کے نتائج نے اندازہ لگایا ہے کہ روس یوکرین میں "2022 کے اوائل میں" فوجی کارروائی شروع کر سکتا ہے۔

 اس پہلے جوبائیڈن نے روس کے صدر پیوٹن کے ساتھ  کال میں واضح  کیا تھا کہ  اگر روس نے یوکرین پر حملہ کیا تو بھاری اقتصادی پابندیاں لگا دی جائیں گی۔" کریملن کے ایک معاون نے کہا کہ پیوٹن نے بائیڈن کو بتایا تھا کہ روس کے خلاف پابندیوں کا نیا دور متعارف کروانا ایک "زبردست غلطی" کے مترادف ہو گا جس سے دونوں ممالک کے تعلقات مکمل طور پر ٹوٹ سکتے ہیں۔

واضح رہے کہ روس نے سویت یونین کے ٹوٹنے کے بعد یوکرائن کے ایک حصے پر قبضہ کرلیا تھا اور اب یوکرائن کو دفاعی اتحاد نیٹو کی رکنیت دینے پر سیخ پا ہے۔