بہاولپور: مسافر بسوں میں تصادم 6 افراد جاں بحق متعدد زخمی

ریسکیو ذرائع کے مطابق خیرپور ٹامیوالی میں دو مسافر بسیں آپس میں ٹکرا گئیں، حادثے میں ایک پولیس اہلکار سمیت 6افراد  جاں بحق جبکہ30 افراد زخمی  ہو گئےجن میں سے 15کی حالت تشویشنا ک ہے۔

ریسکیو کے مطابق  جاعہ وقوعہ پر امدای کاروائیاں جاری ہیں ۔ زخمیوں کو نکالنے اور طبی امداد کا کام جاری ہے، ڈی ایس پی خیر پور ، ایس ایچ او خیر پور پولیس نفری کے ہمراہ موجود  ہیں۔

ڈی پی او محمد فیصل کامران کا کہنا ہے کہ  زخمیوں کو فوری طبی امداد کیلئے ہسپتال منتقل کیا جا رہا ہے ۔ترجمان پولیس کے مطابق  ڈی پی او کی ہدایت پر مزید نفری جائے حادثہ کیلئے روانہ کردی گئی ہے۔

وزیر اعلی عثمان بزدار نے خیر پور ٹامیوالی کے قریب ٹریفک حادثے میں قیمتی انسانی جانوں کے ضیاع  پر دکھ  کا اظہار کیا ہے، وزیراعلیٰ عثمان بزدارنے  جاں بحق افراد کے لواحقین سے دلی ہمدردی و اظہار تعزیت بھی کیا۔وزیر اعلی پنجاب عثمان بزدار کا کہنا ہے کہ  زخمیوں کو علاج معالجے کی بہترین سہولتیں فراہم کی جائیں۔