پاکستان ایک بار پھر او آئی سی وزرائے خارجہ اجلاس کی میزبانی کریگا: شاہ محمود قریشی

تفصیلات کے مطابق وزیر خارجہ کا کہنا تھا کہ مارچ میں منعقد ہونے والے اجلاس میں افغان مسئلے سمیت مسلم امہ کو درپیش مختلف نوعیت کے مسائل پر تبادلہ خیال ہو گا۔

مخدوم شاہ محمود قریشی کا کہنا تھا کہ 23 مارچ کو منعقد ہونے والی مسلح افواج کی پریڈ مسلم امہ کے وزرائے خارجہ کی کثیر تعداد دیکھے گی۔

انہوں نے کہا ہےکہ او آئی سی کے وزرائے خارجہ کو پاکستان کے خوبصورت پروگرام نتھیا گلی لے جانے کا بھی پروگرام ہے۔

وزیرخارجہ مخدوم شاہ محمود قریشی کا کہنا تھا کہ امید کرتے ہیں کہ مارچ میں منعقد ہونے والا او آئی سی وزرائے خارجہ کا اجلاس با مقصد اور بامعنی ہو گا۔

او آئی سی وزرائے خارجہ کے اس سے قبل منعقد ہونے والے خصوصی اجلاس کا حوالہ دیتے ہوئے وزیر خارجہ نے کہا ہےکہ افغانستان کے عوام کو امید کی کرن نظر آئی ہے اور عالمی برادری میں افغان عوام کے مسائل کے حوالے سے شعور بھی اجاگر ہوا۔