آرمی چیف کو مزید توسیع دینے کے بارے میں ابھی نہیں سوچا:وزیراعظم

نجی ٹی وی چینل کو دیئے گئے انٹرویو میں انہوں نے کہا ہے اپنی حکومت کیلئے آئندہ تین ماہ کو اہم اور احتساب نہ ہونے کو اپنی حکومت کی بڑی ناکامی قرا دیا۔

فوج کے ساتھ تعلقات سے متعلق سوال پر وزیراعظم عمران خان نے واضح کیا کہ اُن کے فوجی قیادت کے ساتھ مثالی تعلقات ہے لیکن موجودہ آرمی چیف کو توسیع دینے کے بارے میں ابھی نہیں سوچا،نومبر کافی دور ہے۔

وزیراعظم کا کہنا تھا کہ حکومت کے اگلے 3 ماہ انتہائی اہم ہیں،اس عرصے میں مہنگائی کو کنٹرول کرنا ہوگا ۔اپوزیشن عدم اعتماد لانا چاہتی ہے تو ضرور لائے،اتحادیوں کے ساتھ مل کر حکومت 5سال پورے کرے گی۔

وزیراعظم عمران خان نے مزید گفتگو کرتے ہوئے پنجاب حکومت کی کارکردگی پر اطمینان کا اظہار کرتے ہوئے کہا کہ ہمارے اچھے کاموں کی تشہیر نہیں ہورہی۔