پٹرول بحران پیدا ہوا تو ذمہ دار حکومت ہوگی : شہبازشریف 

تفصیلات کے مطابق پاکستان مسلم لیگ (ن) کے صدر اور قائد حزب اختلاف شہبازشریف   نے  پٹرول اور ڈیزل کی قیمتوں میں اضافے کے امکان پر اظہار تشویش کرتے ہوئے کہا ہے کہ 3 دن بعد پٹرولیم مصنوعات کی قیمتوں میں 6 روپے فی لیٹر اضافے کی اطلاعات تشویشناک ہیں ، مارکیٹ میں آنے والی اطلاعات سے ملک میں پٹرول کی ذخیرہ اندوزی کے خدشات ہیں ۔ 

انہوں نے کہا کہ حکومتی فی الفور مارکیٹ میں پھیلنے والی اطلاعات پر اقدام کرے ،  ذخیرہ اندوزی نہ ہونے دی جائے اور عام صارفین کے حقوق کا تحفظ حکومت کی قانونی وانتظامی ہے ، پٹرول کی قیمتوں میں اضافہ مہنگائی کی آگ کو مزید تیز کردے گی ۔ 

شہبازشریف نے مزید کہا کہ ہر روز ایک نیا حادثہ بتاتا ہے کہ ملک میں حکومت نام کی کوئی چیز نہیں  ،  گندم، کبھی آٹا، چینی تو کبھی کھاد اور پٹرول کے بحران گھوم گھوم کر قوم پر نازل ہورہے ہیں۔