شیخوپورہ: اسٹیج اداکارہ پر دوران ڈرامہ مسلح شخص کا ساتھیوں سمیت تشدد

شیخوپورہ: شیخوپورہ کے ایک تھیٹر میں لاہور کی رہائشی اسٹیج اداکارہ شمع ناز پر دوران ڈرامہ اوباش شخص  نے تشدد کیا۔

اداکارہ شمع ناز کے مطابق راجا زین نامی شخص نے تین مسلح افراد کے ہمراہ دوران ڈرامہ اسٹیج پر چڑھ کر تشدد کا نشانہ بنایا،زین نے زبردستی تعلقات نہ بنانے پر تشدد کیا جان سے مارنے کی دھمکیاں دی۔

اداکارہ شمع ناز نے مزید کہا کہ اداکارہ شمع ناز نے تھانہ اے ڈویژن شیخوپورہ میں اندراج مقدمہ کیلئے درخواست دیدی۔ دوسری جانب  ذرائع کے مطابق یہ واقعہ گیارہ جولائی رات گیارہ بجے کے بعد پیش آیا سی سی ٹی وی سامنے آ گئی۔

سیکرٹری اطلاعات طاہر رضا ہمدانی نے ای ڈی پکار سے رپورٹ طلب کرلی۔پنجاب آرٹس کونسل نے مقامی تھیٹر مالک کو شوکاز نوٹس جاری کردیا جبکہ تھیٹر انتظامیہ کے خلاف مزید ایکشن کی ہدایت بھی کی گئی۔

سیکرٹری انفارمیشن کے مطابق خاتون اداکارہ کو تھیٹر مارنے والا شخص گرفتار ہوچکا۔ واضح رہے اس سے قبل بھی پنجاب کے کئی تھیٹر ز میں اس طرح کے تشدد کے واقعات پیش آ چکے  ہیں۔