ووٹ کے لیے چیئرمین پیپلز پارٹی کے پاس بھی جاؤں گا: صادق سنجرانی

پارلیمنٹ ہاؤس کے باہر اسپیکر قومی اسمبلی اسد قیصر کے ہمراہ میڈیا سے گفتگو کرتے ہوئے چیئرمین سینٹ صادق سنجرانی نے کہا کہمیں چیئرمین سینیٹ کا امیدوار ہوں اور  ووٹ کیلئے ہر جگہ جا سکتا ہوں۔ انہوں نے کہا کہ سینٹ چیئرمین کے الیکشن میں جیت کسی کی بھی ہو کامیابی جمہوریت کی ہونی چاہئے۔ ہمارا مقصد پارلیمنٹ کو مضبوط اور قانون کو بالادست بنانا ہے۔تیاری آپکے سامنے ہیں، کوشش کررہے ہیں، اللہ کامیابی دے گا۔جمہوریت کے آزاد میڈیا بنیادی شرط ہے،میڈیا کو سہولت دیں گے۔

اس موقع پر سپیکر قومی اسمبلی اسد قیصر کا کہنا تھا کہ پارلیمنٹ کے باہر جو بھی ہنگامہ آرائی ہوئی اس پر تحقیقات کریں گے۔ تحقیقات کے لئے کمیٹی بنادی گئی ہے۔ اسد قیصر نے کہا کہ وزیر اعظم کو کاسٹ ہونے والے ووٹوں میں اگر ایک ووٹ بھی غلط ثابت ہوا تو کرسی چھوڑ دوں گا،ان کا کہنا تھا کہ میرا اور فیصل واوڈا کا ووٹ گنیں تو 180ووٹ بنتے ہیں۔