بلوچستان : سیکیورٹی فورسز کی چیک پوسٹ پر دہشتگردوں کا  حملہ ،1 دہشت گرد ہلاک ، 10سپاہی شہید

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ اعلامیے کے مطابق  دہشت گردوں نے بلوچستان کے علاقے کیچ میں سیکیورٹی فورسز کی چیک پوسٹ پر حملہ کیا، واقعہ پچیس اور چھبیس جنوری کی درمیانی رات پیش آیا۔

ترجمان پاک فوج کا کہنا ہے کہ  دہشت گردوں کی فائرنگ سے دس سپاہی شہید ہوگئے جبکہ  تین دہشت گردوں کو آپریشن میں گرفتار کرلیا گیا ہے،  فائرنگ کے شدید تبادلے میں ایک دہشت گرد ہلاک کردیا گیا  جبکہ کئی زخمی ہوئے۔

آئی ایس پی آر کے مطابق کلیئرنس آپریشن ابھی تک جاری ہے، واقعہ کے ذمہ داروں کو انجام تک پہنچانے کے لئے آپریشن جاری رہے گا۔