فیصل آباد میں اسپیشل اکنامک زون کے قیام سے بیرونی سرمایہ کاری بڑھے گی،  وزیرِ اعظم 

تفصیلات کے مطابق  وزیر اعظم عمران خان کی زیرِ صدارت فیصل آباد ڈویژن میں جاری ترقیاتی منصوبوں پر پیش رفت کا جائزہ اجلاس ہوا،جس میں   میں فیصل آباد سے تعلق رکھنے والے ارکانِ قومی و صوبائی اسمبلی کے علاوہ وفاقی وزراء اسد عمر، شفقت محمود، فواد چوہدری، وزیرِ مملکت فرخ حبیب، معاونینِ خصوصی ڈاکٹر شہباز گِل، سید طارق الحسن، وزیرِ اعلی پنجاب سردار عثمان بزدار اور متعلقہ اعلی افسران کی شرکت۔اجلاس میں فیصل آباد ڈویژن میں جاری ترقیاتی منصوبوں، متعلقہ حلقوں کے امور اور سیاسی صورتحال پر گفتگو  کی گئی۔

اجلاس کو بتایا گیا کہ پورے فیصل آباد ڈویژن میں رابطہ سڑکوں و اہم شاہراہوں کہ تعمیر جاری ہے جن کے ذریعے اضلاع کے آپسی رابطے اور موٹرویز سے رابطے بہتر کئے جا رہے ہیں. ٹوبہ ٹیک سنگھ اور جھنگ میں یونیورسٹیاں، پارو پلانٹ اور دسٹرکٹ ڈیولپمنٹ پیکیج کے تحت منصوبوں پر بھی کام تیزی سے جاری ہے۔

اجلاس میں فیصل آباد کیلئے مجوزہ پبلک ٹرانسپورٹ کے منصوبوں، آئی ٹی یونیورسٹی، شہر کی خوبصورتی کو بڑھانے کیلئے منصوبوں پر بھی گفتگو کی گئی، وزیرِ اعظم نے جاری ترقیاتی منصوبوں کو معینہ مدت میں مکمل کرنے اور عوامی فلاح کے منصوبوں کی ترجیحی بنیادوں پر تکمیل کی ہدایات جاری کیں۔

وزیر اعظم عمران خان نے کہا کہ  حکومت ہیلتھ کارڈ کے ذریعے پنجاب کے تمام خاندانوں کو چار سو ارب سے ذیادہ کی ہیلتھ انشونس فراہم کر رہی ہے۔ حکومت کی پالیسیوں کی بدولت فیصل آباد کی صنعت کا پہیہ دوبارہ سے چلنے لگا ہے، فیصل آباد میں اسپیشل اکنامک زون کے قیام سے بیرونی سرمایہ کاری بڑھے گی۔