وزیراعظم کا گو پٹرولیم کی جانب سے تنخواہوں میں اضافے کا خیرمقدم

سماجی رابطے کی ویب سائٹ ٹوئٹر پر ایک ٹویٹ میں وزیر اعظم عمران خان نے لکھا کہ میری اپیل پر لبیک کہتے ہوئے اپنے ملازمین کی تنخواہوں میں 50 % اضافے پر رضامندی ظاہر کرنے پر میں گو پٹرولیم کا شکرگزار ہوں۔ دیگر کمپنیوں سے بھی میری گزارش ہے کہ اس مثال کی پیروی کریں۔

میری اپیل پر لبیک کہتے ہوئے اپنے ملازمین کی تنخواہوں میں 50 % اضافے پر رضامندی ظاہر کرنے پر میں گو پٹرولیم کا شکرگزار ہوں۔ دیگر کمپنیوں سے بھی میری گزارش ہے کہ اس مثال کی پیروی کریں!

— Imran Khan (@ImranKhanPTI) January 30, 2022

معاون خصوصی ڈاکٹر شہباز گل نے کہا کہ   گو پٹرولیم"کے حاجی خالد ریاض نے وزیراعظم کی کال پر اپنے ملازمین کی تنخواہیں بڑھانے کا اعلان کردیا، "گو پٹرولیم" نے کم آمدن والے ملازمین کی تنخواہوں میں 50% اضافہ دینے کا اعلان کیا ، گو پٹرولیم نے باقی تمام ملازمین کی تنخواہوں میں 9 فیصد سے 20 فیصد تک اضافہ کرنے اعلان کیا ہے۔

ہم Go Petroleum سے حاجی خالد ریاض کے مشکور ہیں کہ انہوں نے وزیراعظم عمران کی کال پر اپنے کم آمدن والے ملازمین کی تنخواہوں میں 50% اور باقی تمام ملازمین کی تنخواہوں میں 9%-20% تک اضافہ کر لینے کا اعلان کیا ہے۔ہم باقی تمام کمپنیوں سے توقع کرتے ہیں کہ اپنے منافع میں مزدور کو حق دیں https://t.co/6QSqlkSUzd

— Dr. Shahbaz GiLL (@SHABAZGIL) January 30, 2022

 ڈاکٹر شہبازگل کا کہنا تھا کہ  ہم گو پٹرولیم کے حاجی خالد ریاض کے مزدور دوست اقدام کا خیرمقدم کرتے ہیں، ہم باقی کمپنیوں سے توقع کرتے ہیں کہ اپنے منافع میں مزدور کو حق دیں، کمپنیوں کو اس سال ریکارڈ منافع ہوا،  وزیراعظم کی خواہش ہے کہ کمپنیاں اپنا منافع تنخواہوں میں اضافہ کی صورت میں اپنے ملازمین  تک بھی منتقل کریں۔