میانمار میں فوجی بغاوت کیخلاف مظاہرے جاری

غیر ملکی خبر رساں ادارے کے مطابق  برما میں فوجی بغاوت کیخلاف نہ شہریوں نے گھٹنے ٹیکے اور نہ ہی سکیورٹی اہلکاروں نے طاقت کا بےجا استعمال  ختم کیا ۔میانمار کے مختلف شہروں میں جمہوریت پسند سڑکوں پر نکلے۔پولیس نے مظاہرین پر آنسو گیس کے شیل داغ دیے۔

ریاست کاچین میں مظاہرین پر فائرنگ بھی کی گئی۔جس کے نتیجے میں متعدد افراد زخمی بھی ہوئے۔

مظاہرین کیخلاف پولیس کریک ڈاؤن  کی نئی ویڈیو سامنے آگئی۔جس میں متعدد شہریوں کوپولیس ٹرک میں سوار ہوتے ہوئے دیکھا جاسکتاہے۔مظاہرین کیخلاف پولیس کریک ڈاون میں اب تک درجنوں افراد ہلاک جبکہ سینکڑوں  گرفتار ہوچکے ہیں۔