وفاقی دارلحکومت میں سمارٹ چپ کارڈ ڈرائیونگ لائسینس متعارف

وفاقی دارلحکومت کے شہریوں کے لئے بڑی خوشخبری،  پرانی فیس میں جدید ٹیکنالوجی سے آراستہ سمارٹ چپ کارڈ ڈرائیونگ لائسینس متعارف کروا دیا گیا۔ آئی جی اسلام آباد نے باقاعدہ طور پر سمارٹ چپ کارڈ ڈرائیونگ لائسینس کا افتتاح کیا۔نئے ڈرائیونگ لائسنس میں نئے فیچرز متعارف کروائے گئے ہیں۔

آئی جی اسلام آباد کا کہنا ہے کہ  سمارٹ لائسنس میں سیکیورٹی و دیگر فیچر متعارف کرائے گئے ہیں، سمارٹ ڈرائیونگ لائسینس کے باعث دھوکہ دہی کی گنجائش نہیں ہوگی،جلد ہی سمارٹ لائسنس کو ایکسائز اور نادرا کے ساتھ منسلک کیا جائے گا ۔

نئے لائسنس میں ایمرجنسی کی صورت میں تمام کوائف چپ کے زریعے درج ہوں گے، نیا سمارٹ ڈرائیونگ لائسینس پرانی فیس پر ہی دستیاب ہوگا۔آئی جی اسلام آباد کا مزید کہنا تھا کہ  شہریوں کی سہولت کے لیے مزید بہتر سے بہتر اقدامات اٹھا رہے ہیں۔

آئی جی اسلام آباد نے ٹریفک الرٹ سسٹم کا بھی افتتاح کیا۔ترجمان اسلام آباد پولیس کا کہنا ہے کہ  روڈز کی تازہ ترین صورتحال سے باخبر رہنے کےلیے 03310487487 پر update لکھ کر بھیجنے سے صارف کو فوری ٹریفک الرٹ موصول ہوگا۔