ڈریپ نے کورونا ٹیسٹنگ کٹ کی فروخت کی اجازت دیدی

تفصیلات کے مطابق ڈریپ کا کورونا ٹیسٹنگ ٹکٹ کی عوام کو دستیابی سے متعلق   اہم فیصلہ کیا گیاہے جس کے تحت  شہریوں کو اپنا کورونا ٹیسٹ کے لیے "اوور دی کاؤنٹر " کٹ فروخت کی اجازت دے دی گئی ۔ اس اجازت کے بعد   اب شہری گھر پر ہی کورونا ٹیسٹ کرسکیں گے۔

ڈرگ ریگولیٹری اتھارٹی پاکستان نے کورونا ٹیسٹنگ کٹ کی میڈیکل اسٹورز اور فارمیسز پر فروخت کی اجازت کا نوٹیفکیشن بھی جاری کردیا ہے۔

خیال  رہے کہ کراچی سمیت مختلف شہروں میں نجی لیبارٹریوں کی جانب سے شہریوں سے کورونا ٹیسٹ کے 6 ہزار روپے تک وصول کیے جارہے تھے جبکہ  پنجاب ہیلتھ کیئر کمیشن نے صوبے میں کورونا کی ٹیسٹنگ کی قیمت 4800 روپے مقرر کی ہے ۔